今時今日, 商場展如果只是單單影公仔, 已經開始令人發悶. SY問我:「今日去玩咩呀?」我:「去商場玩單車, 跑步, 同游水, (SY:商場游水?? 真定假?) 去到你米知囉」
我沒有說錯, 阿囝也沒有聽錯, 因為商場放了4台VR運動機, 虛擬實境上山落水, 楝篤企一樣可以玩到身水身汗, 嘩!今日我運動量已經是一年總和.
小朋友發現新大陸般大叫:「爸爸! 個游水機真係會噴水架...好得意呀」
體感遊戲很神奇, 因為一個裝置, 可以同時感應到2人的動作, 你撐左手, 爪右手, 電視入面的選手又會跟足節奏, 你停他又停.
比賽完結前, 工作人員會人手按動裝置的開關鍵, 用來模仿水花...這個就是SY最愛玩這個遊戲的原因...
有人一見水, 就可以放棄衝線, 走到螢光幕前, 任由H2O快快用力射, 十足玩撥水節一樣, 整頭盡濕. 工作人員:「你真係似去游完水喎」
全場唯一比較靜態的虛擬遊戲, 就是這個噴漆 DIY玩.
最重點就是一定要手執實體「噴漆罐」, 用噴罐揀項目, 揀顏色, 幫運動衣畫鴉. 其實, 與平時用小畫家一樣, 只是今次全程要用「噴罐」揀, 感覺得截然不同.
SY:「爸爸...我噴得靚唔靚呀? (我:你平時都唔鍾意油顏色嘅?), E個都唔同, 用E個樽噴架,係米好靚呢?」(我手機都可以用S-PEN畫畫啦, 平時又唔見你玩)
我最愛玩「越野單車」, 本來已經戴了VR眼鏡的好失望說:「我都唔夠高, 玩唔到. 哎呀!我望左邊, 望後面, 咁多男人一齊玩單車喎」
不夠高玩的小朋友, 站在裝置前的大銀幕看我玩...我:「好玩呀! 衝落山好有離心力, 衝線又感到有一陣風添」
SY:「我都唔夠, 睇你玩都無感覺啦...唔開心, 我都好想玩呀!」(你鍾意跑步, 去隔離跑步囉)
這個又跑又要捉金牌的遊戲, 鬥快捉到最多金牌, 便會得到森巴女郎頒金牌給你, 否則, 可能你只會得到銀牌, 或銅牌.
我問玩完又玩的SY:「你唔攰咩?」, 一邊跑一邊答我的SY:「我頭先攞完金牌, 之後又攞唔返...所以我要再玩, 爸爸你影住相先啦, 我要玩呀」
SY專登玩水玩至濕身, 而我則真玩而玩到濕身, 總知, 這個VR巴西運動場, 可以一口氣燃燒好多, 好多, 好多卡路里就絶對是真.
「Clash of Sports熱爆激鬥」
日期:2016年7月14日至8月31日
(逢星期五、六、日及公眾假期)
時間:下午1時至晚上9時
地點:MCP新都城中心 2期 L1 天幕廣場
即日消費滿 HK$300 , 即可獲遊戲通行証一張, (每張通行証可玩2個體感Games)
大仁生活facebook
沒有留言:
張貼留言