網頁

2016年2月5日 星期五

【贏糖贏朱古力】免費「“反”斗城」玩具年宵 @ 有人話:「要嚟足三日」

因為一早向SY預告:「今晚帶你去《玩具反斗城》有玩『玩具年宵』, 所以今日他變了一道催命符, 不停催促我.


步向地鐵站期間, SY:「快D去反斗城啦, 點解仲慢吞吞呀! 爸爸...我好想玩, 我唔想錯過開場呀! (!我哋唔係去睇戲呀...唔會Miss咗個開場㗎!)



這個在玩具年宵, 簡直是小朋友天堂, 反斗城內的U形行人通道, 沿途加入13個玩具攤位, 小朋友可以免費任玩, 任贏禮物.


其實, 攤位有分男子向, 女子向...最近大門口的兩個, SY極不願留低, 若果不是豬仔要幫Barbie著褲, 他必定早早走了去其他檔位.


最最最令SY玩完又玩, 最瘋狂就是這個Peppa Pig的檔位, 我問:「你幾時鍾意E隻豬?


已經玩完一次又排隊的SY:「姐姐送朱古力呀! 同埋呢...有六個唔同嘅利是封㗎, 我想儲齊佢」


??? 你想玩六次呀? 這事豬仔媽走過來:「可唔可以幫豬仔玩埋呀?, SY答我:「爸爸! 咁我要玩12次先得啦」吓???


最後, 當然完成第7次後就被我強行拉走了這瘋狂的朱古力痴漢!!


排第二最受阿囝歡迎的遊戲, 就是這個夾波波...:「好好玩呀?, SY:「最好玩夾完波, 哥哥會送糖畀我㗎」(!! 根本你想食糖)


以逗留時間來說, 這個馬騮㗎是兩個小朋友玩得最耐的地方.


SY:「爸爸! E個馬騮, 學校都有得玩, 不過我哋係鬥跌得多馬騮, E度姐姐就要限住少過5隻馬騮先有獎」


(咁有咩獎? 你唔好話又係糖呀?) SY:「係UNO簿, (你鍾意寫字嘅咩?), 唔鍾意㗎, 不過我鍾意玩UNO


難委了工作人員, 每次小朋友玩完, 她又要費神還完棒棒及馬騮...辛苦晒.


這個夾夾手, 本來SY好鍾意, 不過當他一輛車也夾不到的時候, 開始有少少脾氣:「好難玩...好難玩...好彩姐姐係送貼紙啫...


這個堆沙檔位, SY一見到就說要玩, 無他...因為潔癖仁嚴禁小朋友在家中玩泥沙.
結果豬仔玩完一次已經走開, 阿囝還要求:「可唔可以玩多一次」.


這個檔位, 小朋友完成後會得到一支鉛筆...SY:「係阿愁嚟㗎...去玩其他囉...


層層疊的檔位, 最吸引SY的不是層層疊, 而是枱底有盒他最愛的大富翁. 不過, 哥哥說:「大富翁要太多時間, 不如我同你玩震震層層疊啦」


原來, 現在有一個專為層層疊而設的電動地台, 隨機的不指定時間就會震震震, 騷擾你, 搗亂你...地台一震, SY又笑笑笑:「好得意呀! 佢又震啦...嘻嘻嘻」


其實我心諗:「有咩咁得意啫...我企你後面, 攞住一袋二袋, 等咁耐, 企到腳都震啦, 我米仲得意」


三催四請之下, 本來準備離開之際, 原來攤位會換玩具喎. 本來的妖怪手錶, 變成了SY的最愛幪面超人.


SY:「嘩!Wizard嘅槍呀! 好玩呀! 我想買好耐, 好嘢呀!爸爸...好彩!我哋未走咋...(真係衰...走遲一步就真)


小朋友不停換戒指, 他一定很興奮, 因為細胆的他, 很少主動問陌生人問題:「風調雨順係咩意思? 其實綠色戒指係風形態先啱」(新年食字祝福語麻)


今晚差不多玩到10點反斗城關門, 我對他說:「聽晚你可以叫媽媽帶再嚟啦, 爸爸要返工」SY好開心大力點頭...


絶對不能告訴他, 年廿九, 玩具年宵延長至11點才關門, 否則...他一定要磨足5個鐘, 拉閘都不願走...好恐怖的阿囝!!


「“反”斗年宵玩具市集」
日期: 2月5日至7日 (年廿七至年廿九)
時間︰ 晚上6時至10時 (年廿九將延長開放時間至晚上11時)
地點︰ 尖沙咀店, 銅鑼灣店, 沙田店


大仁生活facebook


沒有留言:

張貼留言