我家的杯緣子專家說:「去影櫻囉...U話太古城2月頭開花啦, E家2月中應該有好多, 我要同緣子影靚相呀!」
所以, 今日一家三口, 情人節前夕出發太古賞櫻!
幸好上次跟同事M去過公園的「葛量洪號滅火輪」,
所以今日好神氣答:「溜冰場上一層, 向右一直行, 太古城中心四期樓梯落, 去公園再靠右邊上迴轉天橋,
跟住我啦...」
當我們途經天橋, SY看到杜鵑就說:「係米影E啲花呀?」我搖搖頭...SY又說:「花又乜好影? 我想打卡機呀」
落橋後, 阿太問:「真係有隻消防船係右邊喎, 不過網話係北角方向...」路在口邊, 最好便是問人, 剛巧有位護衛員叔叔主動走來.
叔叔:「如果係櫻花樹, 你哋沿左邊直行3分鐘啦...但開咗啦咩? (我:個網講架!), 會唔會睇錯上年, 我頭先都唔見喎」(驚驚地~)
突然很聽話的SY, 真的拿手機來計時...但我們一直向前行, 3分鐘...3分半鐘...4分鐘...SY忍不住:「邊度有花呀? 我好攰啦...又熱」
其實我自己也覺不對路...於是又問更亭的姨姨, 對方答:「今年無櫻花呀...全部都仲係樹枝咋, 無開過, 你係米被人呃咗呀?」
阿太很不滿:「乜個U咁鬼衰架, 又話新年過後有, 全部都係樹枝...以後都唔鬼睇佢」
這時我叫SY指一指淒淒楚楚的樹枝合照的同時, 我發現在SY身後有一位姐姐不停用手機影影影...
「哎呀! 哎呀! 有花呀! 阿太...真係襯晒情人節呀! 有一對2粒櫻花呀」
我大叫...正在打花的姐姐接口:「今年真係得E兩粒花咋...前幾日D人都係圍住影E兩粒...」
阿太:「吓? 得兩粒花仔, 我都費事攞D緣子出嚟...費料」. 有兩粒總好過一粒都無啦.
SY悶到發慌, 不停玩沙踢泥 :「爸爸! 你兩粒花都影咁耐嘅? 好熱呀! 我想飲汽水」
姐姐臨走前說:「遲多兩個星期, 你再嚟啦, 你睇棵花都結晒冧, 應該遲D會有好多花架...」(哦! 不過我遲D都係入長洲安全啲)
離開兩粒櫻花, 我們又順道走上不再出海,
鮮紅色的「葛量洪號」滅火輪參觀一下.
由1953至2002年間, 這艘全亞洲最大滅火輪, 滅火無數...我叫SY:「不如你去支大砲度影張相啦」
SY左攪右攪, 望一望簡介大叫:「爸爸! E度寫係水炮, 救火點會發大砲呀?」 (係咩? 你又知...真係乜都識E家)
原來最初滅火輪是放置於馬灣, 不過因為沒有人願意承擔維修費...但現在放在太古, 點解又會有人肯付款維修保養呢?
葛量洪號的休息室可以進入...但就沒有任何歷史藏品,
會不會有少少可惜. 如果有當年的報紙, 消閒玩意, 或者相片都好.
原來救護室真的有部份展品, SY好興奮:「你估下個水龍頭有冇水出...(我:梗係無啦!)..有喎...(真係架?)...呃吓你啫」
原來, 滅火輪逢星期六、日下午2時30分提供導賞服務, 所以在參觀廚房時我聽到導賞員說:「以前我煮飯畀大SIR食....」
SY:「走啦爸爸!! 我好口喝, 又好熱, 同埋E度都無嘢玩...」於是我們便正式拜拜滅火輪,
拜拜櫻花.
事後SY問我:「其實今日嚟太古做咩?? (我:影櫻花?), 吓??你唔好講笑啦, 屋企棵花仲靚, 仲多花啦, E度得2粒...」 (屋企係桃花咋喎)
謝謝
回覆刪除