網頁

2015年8月26日 星期三

【日賣2000件】熱辣辣半熟芝士撻~黃昏6點賣晒!

終於有時間去排隊嘆半熟芝士撻, 心諗:「平日未到5, 應該都無乜人啦」(點知!! 嚇死...排咗4個舖位, 超過麥當勞添)


一邊排隊, 店員已經對人龍說:「所有半熟蛋糕已經賣晒... 芝士撻每人限買6件」(好彩我今日唔係嚟買蛋糕啫!!)



我問店員:「日日都咁多人排隊㗎?」她很堅定地答:「係呀!每日都咁多」


幸好排隊需時不太耐, 大約35分便到, 不過阿囝說:「點解後面愈來愈多人嘅?(係呀!好彩我哋嚟得早咋)



大廚馮師傅非常年輕, (不過女同事踼爆:「佢30㗎啦!!~事業有成囉), 原來他就是親自到日本拜師學藝做芝士撻.


(咁你學咗幾耐呀?) 馮師傅:3, (? 3日就識㗎嗱), 因為我做咗麵包15年喇」 (真係真人不露相!)


原來新鮮出爐的半熟芝士撻, 師傅教路, 最好等分半鐘才是進食的黃金時間, 因為入口即溶的效果最正喎!! (仲啱我啦...影幾張相先食就最正)


小朋友亦扮專家大讚:「又軟又好食, 同平時食嗰D蛋撻唔同, 好食好多...爸爸, 我可唔可以再食?(唔好喇, 我哋半個鐘頭後又食飯啦)


馮師傅:「我哋暫時最多一日只可以造到2000, E家我吔又要截龍啦, 因為差唔多賣晒, (? E5點幾咋喎), 無辦法, 真係唔好意思」


我覺得入口即溶, 略帶芝士微酸的蛋撻, 比芝士蛋糕Size來得細小, 正正可以解「口㾗」的需要, 2-3KO一個, 層次感又夠.


話時話師傅透露, 他們師承位於茨城県, 4間分店的コート・ダジュール, 其實我有衝動飛過去試試元祖級的配方, 究竟是更出色, 還是我們香港人青出於藍呢?



詳盡報導軟滑芝士撻, 112秒齒頰留香Video, 齊齊嘆吓啦!!






沒有留言:

張貼留言