網頁

2015年5月23日 星期六

【潮汕三兄弟】小米餃子~嘩Jek Lu又Jek @ 粿然好味

年青人要支持,  有理想的年青人更加要支持,  何況三位年青「架忌冷」, 就在我家附近開店買家鄉小食,  一定要去支持支持吧!


三位來自汕尾的年青人, 其中阿濱說:「我哋係中學同學, 細細個打籃球打到大, 嚟到香港好掛住鄉下食物, 於是就諗不如學一間專賣潮汕小食的舖頭囉」


造腸粉的米漿全部由他們自家磨製, 阿勁說:「好易磨, 幾分鐘就攪惦」(吓!乜真係易得咁緊要??)


阿勁先注入米漿, 再加入少少油, 生菜, 雞蛋, 蘿蔔糕, 豬肉....(真係摩打手一樣, 難怪叫阿勁...真係勁)


一盤推入蒸爐後, 阿勁對我說:「因為我哋啲腸粉薄身, 同埋個爐有9000w, 200度, 所以蒸30秒就即刻熟」


(其實佢未講完, 又已經攪惦拉返盤腸粉出嚟喇!) 


之後阿濱一邊包雲吞, 一邊說:「唔係雲吞嚟㗎, E啲係小米餃子, 我哋汕尾海豐人人都食㗎」(唔講我真係幾為係小雲吞)


原來腸粉一日可賣出150碟, 但仍然不及小米餃子的售量驚人, 每日要包約一千粒, 因為唔可幾留過夜, 所以通常晚上7時左右就售罄.


我從未吃過有雞蛋, 有蘿蔔糕的腸粉, 好滑, 好味道, 只是今次過得太多醬, 可能潮州人嗜濃味, 如果醬汁分開上, 這碟腸粉簡直一流.


阿濱推介腸粉當早晨最好, 因為夠爽口, 又不會太飽, 又快可以吃完. (吓...我下午茶嚟食米好怪?) 阿濱:「唔會, 你估舊時咩, E家消夜都有人食腸粉啦」


之後便是最多人買的小米餃子, 吃來有點似粉果, 煙煙韌韌, 豬肉又入味, 阿濱:「我哋無落生粉, 直接用蕃薯粉沖水, 你唔好影咁耐, 凍咗唔好食」


原來三兄弟最花時間便是學造小米餃子,  阿濱:「學師9個月呀!! 淨係學為蕃薯粉沖水就已經學咗好耐, 太熟太凍, 啲皮又會過韌, 又難搓...」 


(怕唔怕日日對住會嫌呢?) 阿濱答:「E啲同飯一樣喎, 日日食都唔會食嫌啦」


(蘿蔔糕喎!! 你哋都有賣?) 阿濱:「係千層糕, 同造腸粉嘅米漿一樣材料造嘅...我哋每朝6點就要回舖頭準備, 因為千層糕要蒸3個鐘」(嘩!!朝早6點我先啱啱瞓咋)


食千層糕會配蝦米, 尤魚絲, 蘿蔔, 芋頭, 本來我好想試, 但剛才午餐吃得太飽, 加上又腸粉又餃子, 我的肚皮容量太細, 唯有下次再來試過.


阿濱話:「三兄弟開舖前打過一場籃球, 之後都忙到無機會再打...」因為他們轉流放假, 今日正正就是阿帆放, 看來三位老闆再要打波, 可能要請個幫手先得喎....(或者可以考慮吓我??)


味道: ★★★★
環境: ★★★
服務: ★★★★
抵食: ★★★★★
推介度: ★★★★

粿然好味」太子界限街41C號舖

沒有留言:

張貼留言