網頁

2015年5月22日 星期五

【街市驚喜】無敵煎蛋魚片三文治 @ 跑馬地昌記

兩仔爺放假親子覓仔團...今日去跑馬地吃多士. 事緣因為睇錯飲食男女, 網題為2吋厚多士, 我就以為2吋西多士...(唔通咁快有老花??)


跑馬地熟食街市, 今日才是第二次光顧, 甫一坐下, 我便向昌記的蓮姐說:「我要食『飲食男女』介紹嗰2吋厚西多」



蓮姐說:「牛油砂糖多士呀? 唔係西多嚟喎, 你要唔要試埋我哋最出名嘅魚片蛋治呀」(好呀! 你話好食, 我一定要叫啦)


原來蓮姐說, 所有多士都是自己整條返貨, 之後自己切...(即是其實你可幾付雙倍價錢, 要份4吋厚版本一樣可以??)


之後大廚將麵包烘成多士, 就如同普通多士一樣, 塗上牛油,撒上砂糖。超級厚多士便面世...


今日忘記了帶間尺, 所以就用我部老爺Note3對比厚度. SY二話不說己經開餐.


好好人的婆婆走來, 對SY說:「慢慢食啦...小朋友, 你要唔要點煉奶, 仲好食喎...(SY問...咩嚟㗎? 我向婆婆點頭, 再答SY...總知好食啦)」


果然無甜不歡的小朋友, 不停添加煉奶, 吃得津津有味...老實說, 本來麻麻地, 好在有婆婆的煉奶, 否則多士太厚, 只有面層塗了味, 其餘白麵包實在太多啦.(難怪婆婆也說薄啲好食啲!)


之後的魚片蛋治才是驚喜之泉源, 原來這款三文治於昌記已經賣了15年, 可能我一向愛吃魚片, 所以配煎蛋, 再夾牛油三文治絶對天作之合.


店員說:「我哋靈感來自鯪魚肉煎蛋角, 差唔多遮, 你得閒叫你老婆煎畀你食吖, 不過係嘥油啲」


(我老婆煎蛋都唔識, 仲話要鯪魚肉添喎...講笑咩)


不過, 我問了店員下次可否加多點牛油, 他答:「梗係得啦, 你下次嚟開聲就得, 無問題嘅, 唔駛加錢...」


(早知頭先叫你啦, 今次牛油真係少咗啲)


蓮姐收錢時說:「你彩你平日嚟, 星期六多人多到位都無得坐, 我哋5點就截單, 如果唔係7點就收唔到工囉」


(咁我下次都識平日先嚟喇!!多謝蓮姐教路)


沒有留言:

張貼留言