網頁

2015年5月29日 星期五

【抵過去花墟】30年經驗~珍姐8分鐘靚靚包花

11年前, 因為朋友結婚, 她們專誠走到珍姐位於廣東道街市的花店買花球, 當時朋友說:「我表姐推介, 話E檔好有心機, 同埋夠晒平」


自始我要買花, 一定光顧珍姐. (話就話識咗11年, 但我其實都係買過5, 6次花, 真正傾計今日才算第一次)


原來經常笑的珍姐, 已經在廣東道街市擺檔30年, 花店未開業前, 珍姐幫媽媽手打理當年亦在廣東道街市的檔位.


因為珍媽媽的檔也有兼賣花, 漸漸珍姐對花產生興趣, 於是之後便於街頭嘗試自立門戶賣花.


珍姐說:「最初我只係賣白蘭、薑花、菊花、劍蘭, 後來先去上堂學插花, 花籃, 花束, 最初人哋做$500花籃, 我就同客講自己未滿師, 收$250, 問啲客介唔介意, 咁米邊學邊做, 做到E家」


經過8年時間終於學滿師, 她憶述:「當初我開舖, 我媽媽就退休, 無做佢個檔, 但就間中過嚟幫吓我, 不過佢年紀大, 身體開始多病, 幫咗我幾年....就唔係度」(唔好意思!珍姐) 


轉過話題...(夏天妳唔覺得熱咩?) 努力幫我襯花的珍姐說:「熱都無計!黑雨我都照開, 搵食麻. 阿仁...你企一陣都流晒汗喎, 要唔要張紙巾?」(係!真係企一陣就濕晒, 珍姐日日如事, 真係好捱得)


聖誕節至母親節都是花店的旺季, 珍姐向我展示隻手:「因為我賣得平麻, 情人節包花真係包到手爛, 但好開心, 因為啲客好滿意我嘅造法」


原來情人節由2月12日開始, 珍姐就要做通宵, 不停包包包...一直不停手做到15號凌晨.


 (點會有人情人節後先送花嘅??), 珍姐笑笑口:「補鑊呀!! 不知幾多人都嚟補鑊, 所以每年嗰三日, 真係做到水都無啖飲, 廁所都唔敢去呀!」(真係咁誇張??我意思補鑊)


珍姐教路: 「百合最多人買, 因為可以放得耐, 熱天可以擺5-7日, 冬天插足10日都得」


(我啲玫瑰呢?) 「你揀嗰D$7大陸玫瑰, 都可幾擺到3-5日嘅, 如果你訂美國玫瑰質素好得多, $17一枝」(唔....(姑寒MODE)...唔駛...下次先啦)


今次珍姐幫我配美女櫻, 黃孔雀, 富貴籽, 襯得靚靚!! 由零變有, 只須約8分鐘, $200絶對超值. (珍姐...出年結婚周年再嚟搵妳幫手!!)



時新花店 旺角廣東道1104A
電話:2391 9898

大仁生活facebook

沒有留言:

張貼留言