今晚大鄉里一家又出動, 目的地是尖沙咀第二條韓國街~金巴利道, 我們興奮齊齊食韓國烤肉串.
19:45到達「達人包車」, 不用等位, 因為門口假花園剛剛有位, 心諗:「點解唔駛排隊? 唔通無人食...」, 原來竟然真的是我們好運, 因為我們甫一坐下, 人龍又再堆在門前.(Yeah!!Lucky!!)
今晚我為了要吃...全長差不多等同阿囝身高的巨型烤肉串, 但為何宣傳得如此瘋狂, 也不見附近有人吃的呢?
於是立刻找來Oppa問問, 原來全店只有4人識講廣東話, 靚仔Oppa就要用英文溝通...他答:「有」...鬆一口氣. (好後悔當初無學韓文, 我習慣去食嘢一定左問右問, 今晚就啞咗一樣, 無得問...嗚嗚嗚)
落單後大約5分鐘, 配角(烤爐及醬汁先登場), 之後便輪到主角, 好好好長的一條烤肉串被Oppa掛上我們頭殼頂, SY:「嘩!好長呀!!爸爸..點解要勾係上面嘅??」
大鄉里回答:「哦...個爐係下面整熱佢囉!!」(其實, 當時心知都唔合理, 因為高少少嗰啲都唔會熟啦, , 不過等極又無Oppa再嚟理我哋喎, 唯有繼續影相, 繼續等...)
SY:「爸爸..佢滴啲嘢落嚟喎, 又滴喎...」燒肉串的油不停往下滴入熱爐上, 令熱爐更加熱得出煙...(個爐慶烚烚, 我仲著住份長袖, 坐係度真係熱到爆)
此時, SY拿出他的自拍神掍來說:「佢仲長過我支自拍掍喎」, 我就拿出實惠的軟尺, 幾乎還較我的軟尺更長...
等了又等, 沒理由真的掛在天花板就可以弄熟食物吧! 還是忍不住問問店員, 她說:「我幫你拉落嚟燒都OK架, 你自己整又得...」(哦~原來真係要燒先會熟嘅!!)
當時, 我又不停拍照, 原來人等身長的串燒, 真的很吸收, 其間就連輪候的食客, 及經過的途人也不時:「嘩!好長呀」, 「就係E間啦...」, 「好勁呀!!」, 還舉機為燒肉串拍照, 雖然他們拍的不是我...但此刻大鄉里都有點點尷尬...
坐得近門口, 也有好處, 就是找人幫我們影家庭照, 非常容易...我們與大串燒的合照...Yeah!!
因為大串燒太吸引, 我們點的Pizza一早來了, 我也忘記了它. 韓國人真愛吃芝士...這個Pizza簡直被芝士活埋.
不過, 為何沒有刀, 沒有三角形剷供應呢??? 大鄉里又問女店員, 她答:「E個係無底Pizza, 就咁食...(吓??咩話??), 用羹就咁食就得」
不得了!! 第一次用羹食Pizza, 又幾新奇, 而且芝士夠大埋頭, 一羹一羹果然罪大惡極之選呀!!
數一數大串燒上有14款半熟食物, 黃椒、紅椒、番茄仔、蔥、五花肉、洋葱、雞肉、大蘑菇、大肉腸、大蝦、小南瓜片、最神來之筆就是有原隻菠蘿片.
(老實講值錢的食材, 主要是5件肉類, 但售價$298, 抵唔抵呢?? 照計自己的開心應該用了$150去購買吧!!)
我見鄰桌的大串燒可以有青椒, 及兩片原隻菠蘿...於是我問店員, 下次來可不可以自行揀選配搭的呢? 她也要問一問其他同事, 之後搖搖頭...(哦!即係睇廚房同事心情吧...)
不過, 串燒實在太多肉, 早知 今餐多找一位朋友來分享, 因為SY只是吃了1/4底Pizza就大叫:「好飽」, 我們倆口子要KO整條巨型串燒, 難度分超越95分...
捧著脹爆的肚腩, 找來全店最靚仔的Opaa合日照, 無奈相機沒有電...哎呀!!我竟然對焦不成功, 鬆矇矇, 對不起 MR Park. 今晚因為新開張, 食滿$300元, 可以有85折, 及免費飲品. (不過折咗都$437, 少少貴啦!! )
大仁生活facebook
大仁生活facebook
沒有留言:
張貼留言