網頁

2015年1月17日 星期六

【周日逛最型】熱情手作仔派對 @ SUUUPER MARKET

從未去過葵興工業街,  因為今日有「SUUUPER MARKET, 所以一早走過去玩, 原來一點也不難找.


今次市集地點, 本來是Crystie與男友的工作室, 今日改裝得好有主題, 好有Feel, 而且凝聚了一股少女向氣氛



戴上一個大圓眼鏡的Crystie:「因為我好鍾意逛市集, 所以2015想落手落腳攪返一個, 今次全部檔主都係我接觸過, 自己最鍾意嘅品牌, 所以邀請佢哋一齊玩囉!」(難怪今日風格非常一致啦)


Crystie熱愛擁有200多年歷史的英國陶瓷Wedgwood, 她今日亦有擺放數件從外國尋寶回來的小小藍色陶瓷. 一點也不似超過50年的古董, 一點脫油情況也沒有, 給我一定不捨得用.

第一次擺市集的Jeff, 剛剛放工趕來市集, 小小的檔位舖滿不同圖案煲呔.


本來和太太夾份, 但太太未放工, 所以由他向我介紹:「台灣人的愛好, 與香港好唔同, 例如這款大量人仔指向中心點的煲呔, 台灣賣出十多個, 香港只有兩, 三人訂」.


非常愛貓的他們, 家中有兩隻歲半大的小貓, 暫時皮皮就製成布袋, 麼麼就印在煲呔上.


被問為何未有第三隻貓仔的作品, Jeff:「就有, 就有, 因為我哋都係開始咗8個月左右」


之後, Jeff有一位朋友來訪, 她手執我剛才拍照皮麼麼煲呔心痛說:「哎呀!點解麼麼多咗粒墨架...(Jeff:唔係..應該污糟咗一點遮)...!不知是否我剛才弄髒呢??

島中坊研的袋超正, 入形入格之餘又夠簡約, 兩位全職手作人是來自長洲的Amy Stephen.


Amy手中的真皮布袋是她們的最新款, 她說一日可以製作兩個. 我答:「我曾經造過一皮袋用咗三個禮拜.Amy說熟能生巧吧!


我覺得她們每個袋的底座, 才是整個創作的神來之筆, 又靚又獨特, 可能我近期愛上Lego, 我覺得很有Lego Feel.


雖然我不知道一針一線人手密密縫製, 如何能一日完成兩件產品, 但在旁邊NovisJeff笑笑口插嘴:「因為佢哋對手安裝咗摩打架…」


Amy:「當初我在市區返工, 每晚返到長洲都9點幾, 造得袋嚟都差唔多又要返工... Stephen:「每晚都無乜點瞓, 所以之後我哋兩個就辭咗職, 專心試下創業」

Amy Stephen非常有默契, 一個收錢, 一個即時記錄, 八卦的我問「你哋係米拍緊拖架?


Amy腼腆說:「好尷尬呀你個問題..!!, Stephen又甜甜的點頭, 小情侶非常令人艷羨. 我答應了她們, 4月來長洲爬完包山後, 會去探「島中坊研」工作室, 到時不要忘記我呀!

走到另一檔, 枱上整整齊齊排滿一包包「王媽媽茶包」, 問一問Joey是否妳們手作呢? 自學3年中醫的Joey:「我哋係藥材舖入貨, 再和媽媽一齊包裝出售」


點解妳店的名字叫王媽媽? Joey輕聲說:「因為我想多謝我媽媽, 我想佢都有份參與我的工作, 我都想佢一齊分享我嘅喜悅」, 真的很溫馨.


我叫Joey推介我飲一款茶, 她說:「桑椹杞子茶好呀! 冬天最啱, 保腎之餘, 又可以令你瞓好啲」


晚上致電Joey, 原來今日的銷情非常好, 多款玫瑰花茶包也賣斷市, 她說:「今晚都補唔切貨, 所以聽日都係唯有賣其餘款式…」王媽媽知道一定更高興.

今日, 我又再次與MUM's NOT HOME相遇, 上次只能與Chow 傾計, 因為Makui去了飲宴, 今次終於有緣一聚.


!! 每次來他們的檔位總有新驚喜, 今次除了見到他們的破格「蜜瓜」, 「水竹」頸鏈, 竟然還見到...


很有Cyber感的「Hi-Fi膽」頸鏈, 連「Hi-Fi膽」都可以做頸鏈, Makui的創意非同少可.


原來Makui的爸爸既是裁縫, 又是水電師, 更是"是誰~在敲打我窗" 的膽機發燒友, Makui介紹:「爸爸話E啲係平膽, $100一粒, 佢貴嗰幾千蚊粒嘅梗係無畀我啦...


MakuiHi-Fi膽頸鏈只售$120, 只賺$20難怪他說:「前一次市集一擺出嚟就賣晒, 上次都無貨, 所以今次再整幾粒囉」, 真心覺得戴著掃結他一定型到爆.

臨走前被Amus的自製皮革包所吸引, 不願上鏡的Amus:「皮革戒指120分鐘自製, 包保一定成功」


在旁的Chow好開心:「真係得架, 我上次60分鐘就做起啦!!(Amus:鑽石形難好多, 你上次造正方形咋…) 老朋友你窒我, 我窒你, 旁觀者的我也樂在其中.


可能多數檔主也互相認識, 所以場內好熱鬧, 有點似包場派對多個似市集, 而且最初以為「隔涉」, 原來人潮川流不息, 總知如果你也想入型入格, SUUUPER MARKET今日還有一日呀!!


118
12pm 8pm 
葵興工業街10 華懋華發工業中心 前座141402

沒有留言:

張貼留言