很少對集團式的食肆有讚賞, 當年唯一的大戶屋, 亦早已被我剔走, 這間五右衛門我覺得可以再三光顧亦未嘗不可.
這裡加$30可以有齊前菜沙津, 麵豉豆腐清湯, 餐飲, 普通貨色, 簡簡單單拍個照就是了, 免浪費時間.
因為被旁邊家庭的Pizza所吸引, 所以我們也點一個來吃. 嘩!! 不得了的好食, 鬆化的酥皮作餅底已經夠煞食, 牛油配芝士香噴噴, 熱辣辣咬一口....(要唱飲歌喇!!)
「我對你心跳的感覺…高低跌蕩…」就連要求多多的SY也主動添食, 就可以肯定這款酥皮Pizza有多出色.
這裡主打是意粉, 我們點了兩款也是肉醬,
但出來效果及味道也截然不同.
煙肉芝士茄醬意粉, 我最愛的蕃茄意粉, 就是顏色已經贏了胃口.
是不是覺得份量很多呢? 因為我們額外加了底,
($15), 不過, 學都市閒情Annie話齋「酸酸甜甜, 甜甜酸酸」, 少少過火位, 早知我加底在另一款的溫泉蛋肉醬意粉吧.
這款卡邦尼加肉醬的配搭真的一流, 再來一粒日系溫泉蛋. 其實, 只是睇照片就已經令仁回味.
撥開蠢蠢欲動的溫泉蛋的一剎, 感動得似《撐起雨傘》奪叱咤至尊歌一樣, 抗奮的我問SY:「係米好期待想食呢?」
忙於甜甜酸酸意粉的他, 望也不望:「有咩好期待Jet爸爸…我已經飽喇」~(車…真係好掃興呀!囝)
五右衛門九龍灣也有分店, 可能因為集團式關係, 店員始終沒有小店的真情流露.
超班的食物, 如果店員可以投入一點,
那真無懈可擊. 又或者…(這小店就如美夢 不想因應恩客易容)
沒有留言:
張貼留言