網頁

2014年11月25日 星期二

無心插柳食到寶 超值正爆布甸杯@深水埗東大門

話說上星期食完「蜂蜜流心蛋糕」後,  (詳情可瀏覽: 匙羹飲蛋糕 @ 深水埗「甜蜜總部」), 向前行不足50步的青山道營盤街十字路口, 本來有一間平平無奇的台式奶茶店, 正當我想擦身而過之際, 眼尾竟然給我發現好東西.


門前的雪櫃放滿一杯杯的布甸甜品, 當時更有女客人盡掃僅餘的4盒木瓜布甸. 奇怪之下老闆阿Tom推介我吃楊枝甘露, 一食不得了, 甘甜足料, 無法停口. 下定決心, 今晚放工一定要再試.




我問阿Tom何解叫東大門? 一笑笑口:「年多前開舖, 有一個拍檔, 當時舖頭主力賣韓國燒餅, 及朱古力噴泉士多啤梨, 最唔睇好就係布甸」


好客的Tom續說:「後來拍檔有事, 成間舖得返我一個, 燒餅造唔切, 朱古力噴泉又難清洗,又油, 加上原來最多人買係布甸, 所以索性主力賣布甸」


阿囝指定要買全便宜的什果啫喱($8), 還未找錢他已急不及待食食食, 更笑得見牙不見話:「好食到爆分!!


我一定要試上次「飲恨」的木瓜布甸 ($12), 另外Tom推介的芝士Tiramisu ($15), 及阿太要重吃的楊枝甘露.


Tom:「木瓜靚嗰陣, E款布甸就最好賣」, 難怪要搶, 因為木瓜釀入布甸, 原來味道非常夾, 簡直天仙配


其實布甸與木瓜的質感也非常相似, 當然布甸滑得多, 但一啖布甸一啖木瓜的好食程度, 絶對你要試就知有幾爽!!(連不吃木瓜的阿太也K.O了半個就知有多好食!)


之於芝士口味, Tom:「係我自己鍾意, 好多人怕太漏」, 其實芝士杯分三層制作, 上下分別是芝士忌廉, 中間是啫喱及Tiramisu碎碎. 我覺得份量剛剛好, 不會太膩.


下次我要再來東大門試盡所有鮮果布甸, 我與阿Tom言談甚歡, 最後我大膽要求走入店內扮店員合照!! Yeah~ 


沒有留言:

張貼留言