網頁

2014年8月17日 星期日

熱辣辣! 手有一扇如有一寶, 認住個「芭蕉扇」~真係涼浸浸~好好風

從來沒有想過自已都會手擕一把風扇仔出街, 因為之前的只會「得過攞字」, 亦無風又不涼, 但今日經過鴨寮街, 最多顧客, 最生意頂盛的4個檔位, 全部都是賣「電風扇」的.


八卦的我停步, 探頭一看, 旁邊正在測試「風扇仔」的阿叔, 無意間將扇吹向我. 「嘩!! 好勁風, 好涼喎」, 對不是說謊.



我問老闆娘為何有三種價錢? 老闆娘即場逐一給我測試, $65蚊最新款最大風, $60蚊同$50蚊差唔多, 兩個唔同牌子, 但風力無咁大, 全部都係用手機叉電線就可以」


本來沒有心買的我, 測試後說聲「唔該晒」就轉身離開, 但走前兩檔, 又是另一出售風扇仔個檔位, 人山人海, 老闆忙於「入電, 試機, 入盒, 收錢」又再「入電, 試機, 入盒, 收錢」….


當時的我有點心動, 上前問老闆$65是否風力最強? 他答:「你認住個芭蕉Logo! E款最勁架啦.」結果, 我忍不住買了三個, 一個送媽媽, 另一個送我囝的媽媽.


真的沒有買錯, 旺角同款要賣$89, 就連淘寶最便宜也售$46. 原來這款「芭蕉扇」的輸出功率4.5W, 而另一款「B扇」輸出功率4W. 難怪, 所有同事一用我的「芭蕉扇」即說:「嘩!真係好夠風喎!


「風扇仔」內附一杖2200mAh充電池, 第一日由離開鴨寮街, 即拆盒即用, 結果可以用上40分鐘. 之後充電2.5小時, 今日第二日用了45分仍然有電.


鴨記老闆說:「你要唔要後備電池? 兩粒5200mAh三十蚊畀你」我沒有買, 因為心想這又不是手機, 無理由為了把風扇再要多帶一杖後備電池吧!!


今日, 連阿囝都將「芭蕉扇」當寶, 他說:「放係頸後面吹最涼!. 香港真的愈來愈熱, 我一定會日日用, 我最想測試出這把$65的「芭蕉扇」壽命, 之後就第一時間向大家匯報. 不過幾十元可以換來「涼氣」不斷, 對值得啦.

2 則留言: