海港城「Nike x 傑志足球學校『足球工作坊』」好玩 @ LCX

海港城露天廣場正舉行的Nike The Last Game展覽, 正正是世界盃的原故, 明燈阿囝捧完西班牙, 再為日本打氣, 兩隊齊齊出局. 

星期六有朋友問阿囝：「你鍾唔鍾意游水呀?」阿囝竟然答：「我最憎游水, 我最鍾意踢波...」原來, 阿囝竟然在一個不看足球的家庭, 陪養出愛上踢波??

知道海港城於6月14日開始, 連續5個周末, 都會舉行「Nike x 傑志足球工作坊」, 5-7歲小朋友就可以報名免費參, 我當然第一時間為阿囝報名, 不過阿囝從未玩過足球, 為何他會說喜歡踢波呢?

工作坊下午3點開始, 首先就由早到的小朋友自由活動, 有得跑來跑去, 小朋友當然好開心.

之後, 有點似羅頌謙的教練來了, 小朋友也開始集隊, 工作坊正式開始.

首先, 教練教小朋友帶波, 急停, 假動作, 嘩!! 阿囝不知玩得多興奮, 不過, 原來工作坊內有一半也是傑志足球學校的學生, 所以大部份人也有足球經驗, 只有阿囝一個傻更更第一次玩.

之後就輪到分組射12碼, 這亦是阿囝說最好玩的一個部份.

玩完大約45分鐘, 工作坊結束前, 大家來一個敬禮.....

全員來一個大合照, 第一次參加工作坊的小朋友還有一張證書.

我最初還以為穿對家的運動鞋不獲參加, 誰知Nike原來大方的不介意. 最後當然就是與教練「集郵」一番吧!! 雖然阿囝今日一球也射不入, 但起碼也初步認識了足球, 及知道踢波後, 第二朝起身就會周身骨痛, 他說:「爸爸...下次玩30分鐘就夠啦!!」哈!! 哈!!!