網頁

顯示具有 無聊談 標籤的文章。 顯示所有文章
顯示具有 無聊談 標籤的文章。 顯示所有文章

2015年7月4日 星期六

【預防敏感】二手煙, 剖腹產子敏感誘因

同事今日在我旁邊, 聚精會神睇報紙...八封的我當然望一望啦...原來她正在看有關預防敏感的方法...

(你有咩敏感呀?) 同事:「鼻敏感, 濕疹囉....我睇緊我個B點預防...唔係我」(一齊研究下)



原來剖腹產子的敏感風險比順產高, 鼻敏感足足高1.23; 避免二手煙, 敏感風險高達3.6.

2014年8月17日 星期日

熱辣辣! 手有一扇如有一寶, 認住個「芭蕉扇」~真係涼浸浸~好好風

從來沒有想過自已都會手擕一把風扇仔出街, 因為之前的只會「得過攞字」, 亦無風又不涼, 但今日經過鴨寮街, 最多顧客, 最生意頂盛的4個檔位, 全部都是賣「電風扇」的.


八卦的我停步, 探頭一看, 旁邊正在測試「風扇仔」的阿叔, 無意間將扇吹向我. 「嘩!! 好勁風, 好涼喎」, 對不是說謊.

2014年6月23日 星期一

同熊貓玩足1800秒 快樂不知時日過

每日起身一想到要返工就頭痛, 不過, 今日例外. 由前日得知有熊貓來公司, 心情興奮得不得了. 雖然由幾百隻變50, 最終同一款只有42匹出現, 但都令我雀躍了半日.


因為, 只有42四小熊貓過來公司, 所以今日沒有熊貓義工, 只有約4-5名熊貓代表, 推著一台6呎高的鐵架, 小心翼翼將側身卧睡的小朋友, 逐隻叫醒, 列隊慢慢步入大堂.

2014年4月18日 星期五

759 Kawaii Land 開咗3間分店啦!!! 牛奶妹陪你周圍行

自從3個月前經過銅鑼灣駱克道, 發現了759集團分拆了名為「759 Kawaii Land」的化妝部門獨立開店後, 就一直沒有再光顧, 今天經過中環域多利皇后街時, !! 第二間「759 Kawaii Land」喎, 再望望海報, 原來第三間分店亦於上個月油塘大本型正式開張.



2014年4月12日 星期六

焗爐焗KitKat 變身焦糖布甸味 ~ $26.3超抵玩唔駛捱貴價@759阿信屋

估不到759的效率如此迅速, 日本3月底開始熱賣的熱焗KitKat, 不用兩星期, 即時運抵香港, 更加一包13片裝只售$26.3, (今日更特價$23), 阿太說:「好彩我無叫Facebook帶水貨嗰小姐賣咋, 佢話要$55蚊一包呀!!


放入焗爐烤焗的「焦糖布甸味KitKat, 上個月網上看見時我己經口水流, 阿太說:「你唔等聽日特價先買?」我已經急不及待 :「算啦, $3, 即係返去焗嚟試吓麻, 聽日特價賣晒米弊??

2014年4月4日 星期五

2014年3月30日 星期日

回南勝手抽濕機 嗡味拜拜 Happy晒!!

從來未買過抽濕機,不過潮濕季節,最痛苦莫過於晚上收衫時,逐件逐件要用風筒吹吹吹,有時吹得未夠乾,第二朝, 那種難以形容的嗡臭味真的畢生難忘。

一個月前,走到百老匯,豐擇去看抽濕機,原來大品牌與不知明牌子的抽濕機售價可以有百份之50的分別。

2014年3月24日 星期一

爸爸學堂 造張木櫈仔送阿囝 @十個爸爸的浪漫

從來沒有想過會親自「落手落腳」造一張木櫈, 上星期偶然在網上看到「哈比學堂」有一個親子活動, 項目就是由爸爸造張木櫈仔送囝囝. 畫面很好的一項活動當然即時報名參加.

2014年3月5日 星期三

UNIQLO $39限量福袋!! 排2個鐘為慳$261?

UNIQLO一早強力宣傳由今日起, 一連三日全港21間分店$39元賣88個內值$300元的福袋, 今天放假預計會逛銅鑼灣, 所以也想襯襯熱鬧.


今朝早上10時聽收音機, 陸叔說Uniqlo母公司日本迅銷(06288)上市, 高開26%. (但後來最終也只微升1%收市), !原來Uniqlo慶祝上市, 所以舉行限量福袋活動.

(註:圖片來源:Uniqlo官網, Utravel及Madsoda)

可惜, 早上1045分到官方Facebook看到網友已留言說所有福袋已售罄, 大家不用排隊. 有點失望, 所以最後也作了一個午睡才過銅鑼灣.


下午走到銅鑼灣利舞台旗艦店, 剛巧有一名女顧客向店員查詢福袋情況, 女店員解釋 :「我哋會分男裝, 女裝, 而且男女裝都再有大, , 細碼. 」 我問:「如果我聽日嚟排隊要幾點度呢?」店員答:「今朝最早8點已經有人企係門口, 9點幾就差唔多有180, 所以, 今日我哋103就開門畀大家入嚟買福袋.


! 8時就已經開始排隊 ? 就算是首賣iPhone6我也絶對不會這樣做吧. 從網上由 http://www.madsoda.com/madnews/ http://www.utravel.com.hk/ 拍攝得到的福袋開封圖所見, 每個福袋內均有3-4件貨品, 一般也是1對襪配22件短袖Tee,再加一件內衣.

(註:圖片來源 Utravel及Madsoda)

老實說, 如果不用排隊, $39元當買3件睡衣也不錯, 但是為甚麼會有人願意花2小時, 目的只為了節省$261($300元減$39) UNIQLO估計不會升值的吧 ? 況且款式也未必一定合心水. 其實, 明天我返工前是否應該走去店舖前看看究竟排隊的是香港人, 國內人, 還是受僱的南亞裔人呢 ?



PS: 官網晚上7時發出特別通告, 說福袋反應熱烈, 明天及後天店舖將會提早營業, 這也算是避免混亂的一個好安排.

2014年3月2日 星期日

毛毛雨的第十屆大角咀廟會之「表妹係邊度?」@ 福全街

201432 (星期日) 第十屆 大角咀廟會,這個每年3月例必封了大角咀福全街、合桃街、菩提街、杉樹街等舉行的大型街頭文化祭又來了。


今年阿太與阿囝是第二次正式實地參與,從前阿囝未出世,我們拍拖曾經經過過,又有一年偶然發現巡遊,又停下來玩了一回,今次阿太應該算是第五年見証廟會,而我今年則需要開工,唉!無緣參與,只可以靠阿太拍下來的照片,感受氣氛。



其實,我覺得廟會絕對與大角咀非常配合,推廣中國傳統藝術,振興這個仍然還美麗的街坊地區,福全街早上巡遊表演,晚上千人盤菜宴,廟會真的過癮。(老實說感覺絶對似足日本鄉效的文化祭!!)


 我家阿囝十分迷戀舞龍獅,阿太說:「下午3點幾去到,已經人山人海,大鑼大鼓,阿囝就好興奮話抱我睇,抱我睇,舞龍獅啦!! 好野!!


「不過其實前面全部都係人,我哋淨係望到人頭,同幾隻獅子囉,不過阿囝話要睇,咁我哋就睇多一弓陣,舞獅都完,本來我哋諗住走去玩攤位遊戲,但係忽然間見到有兩隻獅子仔走埋嚟喎,周圍啲街坊話小朋友摸吓啲獅子頭啦,一年都會好運架」沒有錯,從照片看到小朋友們及阿囝真的很聽街坊提點,個個自動自覺不停摸獅頭不得止,獅尾也不放過呢!


本來今天還有木偶飄色,梅花樁表演,不過時間不配合,特派記者應該看不到這精彩表演。


晚上放工回家,當我一打開門口,阿囝即時遞上廟會攤位遊戲的戰利品:「爸爸!你睇我頭先睇完舞龍獅玩遊戲贏到啲壞蛋獎門人間尺幾靚!仲有媽媽得到E個叫平安繩喎!」


阿太說:「好多有心團體擺攤位活動,又送米,又送紀念品,好多人排隊玩嘅。」



阿太笑笑口對我說:「本來我哋玩完攤位遊戲之後,過咗隔離公園仔玩瀡滑梯, 點知有個女人走嚟問我表妹係邊度?…… 吓!我心諗係米認錯我係佢親戚呀?點知佢又再大聲問多兩次表妹係邊度?……原來, 佢想講廟會係邊度。」嘩!猜不到阿太也學了歡樂今宵盧DAVID,及阮兆祥當上GAG王之王吧!

2014年3月1日 星期六

在葵涌影的行貨花

天氣凍凍熱熱凍又熱,真的很難適應,結果,捱到第一次,第二次轉天氣最終病了。走到醫院,坐著呆等,悶得發慌,可能坐在醫院一等就要等上數小時,於是決定四周圍走走解解悶。 


剛才坐專線小巴時,經過荔景山道,發現接近醫院宿舍附近,竟然有幾棵紫荊花樹,我從來不愛影花,不過,在醫院等候時間實在太無聊,根本做任何一件事也比等更有意義,於是就發生了我人生第一次影「行貨花」的事情!


因為沒有帶相機,所以全程只是用我部NOTE3拍攝。 陪同朋友說:「E啲花都好影嘅?你慢慢影喇,我上去CANTEEN坐吓好過。」


粉紅色,白色,紅色的幾棵盛開的大樹主要集中於宿舍的右手邊。


如果再往前行,轉入醫院,在斜坡的小草地上,零叮的小花叢內一樣有鮮花綻放。


春天的小蜜蜂真努力,左走右走採花蜜,無聊的人在看勤力的人在工作。


東奔西跑為搵食,有時呆等一樣為搵食,如果,兩者揀其一,我情願選擇後者,所以,我也十分感恩。




百無聊賴賞賞花,好過又忙又要被人媽。

2014年2月28日 星期五

罐頭當LEGO 砌隻米奇老鼠出嚟都得@奧海城x惜食堂 第二屆「愛心罐香港」

罐頭可以當LEGO般砌出天星小輪,砌成一個手袋,砌一隻咖啡杯?從來沒有想過可以,所以一聽到消息即時走到奧海城看看是一項怎樣的比賽。


原來,這已經是「惜食堂」連續第二年舉辦的「愛心罐香港」比賽,不過後知後覺的我,不知道原來比賽已於上周末現場舉行完畢,現在只剩下11件巨型罐頭留於奧海城展覽。


現在還有工作人員在修補展品,他正忙著為「地球」貼上「陸地」。工作人員說:「罐頭就代表海洋,公仔麵就係陸地,細細個E個就係澳洲。」


原來這些全部也是真的罐頭,當展覽完成後就會將5萬個罐頭全部送去食物銀行及慈善機構,頗有意義的活動。


今次的展覽大部份也一看便知道正在砌甚麼,例如獲獎的「天星小輪」及「寄出愛郵筒」。罐頭郵局清一式綠色及加入大量郵件,所以一看便知道,不用左猜右想。


不過,有部份展品並不易看,例如,這隻稱為龜的作品,真的要看了介紹,再細心找個角度才勉強感覺到有隻小龜正破蛋而出。


龜仔旁邊又是另一隻龜,不過,這是前排鬧得滿城風雨的海天堂龜零膏。老實說,我左看右看也不知道他們在砌甚麼,只知道展覽完成後,捐出去給人吃的龜零膏會不會有發霉發臭呢? 如果送給我也未知是否敢吃。


雪糕車製作得有點矮,看似私家車多於一輛雪糕車,而今次自己覺得最有趣的展品,一定就是站在奶茶杯的米奇老鼠。


走得太近,你會看不清楚是米奇,不過,如果你走遠一點,或者是隔著手機拍照,米奇的「得戚」臉貌就會即時呈現眼前。正!!

2014年2月22日 星期六

我愛PORTER TOKYO 買銀包記 @KURA CHIKA新世紀

旺角新世紀廣場大裝修,之前發現裝修後PORTER Tokyo KURA CHIKA會進駐開業,從前香港主力PORTER INTERNATIONAL,現在連日本本土系列也可以在香港的4KURA CHIKA專門店買得到。


很喜歡 PORTER 的用料,不知是心理作用還是感覺,總覺得INTERNATIONAL的設計不合心水,買PORTER還是只想揀TOKYO系列。


看中了其中一款軟皮製的銀包,店員說可以有三款顏色選擇,本來想即時購買,但還是三心兩意那一款顏色,最後在猶豫不未決的情況下先給自己一晚情況想清想楚。


就在當晚,FACEBOOK上發現了www.headporter.co.jp可以免郵費,直接由日本送貨到港的郵購服務,嘩!免運費很吸引呵!於是在網站上左找右找,可惜這個官網可選購的款式不多,而且很多款式也是「SOLD OUT


在心有不甘的情況下,自己到日本YAHOO找找PORTER產品的購買方法,原來日本「樂天」http://item.rakuten.co.jp/coolcat/129-06012-10/ 有更多款,幾乎所有PORTER的系列都有,就連自己想買的銀包一樣有,而且竟然有香港沒有的白色,嘩!好正呀!


我就是要找這個顏色,而且香港售價$1650,網上只是15750日元,嘩!嘩!如果找日本朋友幫手,寄回來總額也只不過$1300.



不用想了,即時找日本朋友幫幫忙,時間上可能需要多花一點,節省了$350元就要等2星期時間才可有新銀包用,不過我又不趕急,正所謂「早買早享受,遲買平兩舊」。抵!抵!抵!不過,對不起 KURA CHIKA專門店店員,打擾了!

2014年2月15日 星期六

尖沙嘴SOGO結業了 ~ 時光逆轉17年前的小熊國及名店城

前年在尖沙嘴文化中心工作,整整一年幾乎天天也經過SOGO,雖然不是經常購物,但也算出相入對。SOGO忽然結業又未至於失望,少少不捨得吧!


 尖沙嘴SOGO2005930日開幕,計一計差不多9年,感覺好像開了不久久似的。不過其實我也有對這間SOGO有些失望,因為沒有家品部,電器,玩具及雜誌部,超級市場規模也比較細,沒有濕貨出售。


記得SOGO未開之前,2002年這裡名為「亞馬遜商場」的小熊國,不過沙士前要收費入場,後來經濟不景就變為免費,印象中這裡曾扮成好大自然、好森林的地方,因為自己不太愛BearBear,所乆我好像也只是去逛過23次左右。


(而翻查資料,現址未變身成小熊國之前,1997年開始17年前此處稱之為名店城。)


我真的以為SOGO2月尾結業的,今天想走到尖沙嘴鐘樓看情人節花燈會,吓!原來SOGO已經於212日星期三光榮引退了。



其實,未到SOGO前,我也奇怪為何地鐵J出口沒有了SOGO的指示呢?原來地鐵公司一早已快快手把商戶的名稱抺掉,行動迅速得有如商台無理解僱李慧玲一樣。




今日店員作最後執捨後,臨離開前對護衛員說:「明哥,CHECK下嗰袋先啦,最後一DAY啦!真係拜拜啦」護衛搖搖頭揮揮手:「走啦!得架喇!再見啦!」就這樣最後一批SOGO員工就告別了。

註: 小熊國及名店城圖片來資 : www.kktravel.com.tw 及 維基百科用戶-Wing1990hk