本來想去元朗西菁街吃漢堡包, 但小店未到19:00,
已因為全部包點售罄而拉閘, 我:「吓? 點算呀?」
阿太:「E...隔離間舖咁日本Feel嘅? 」此時女店員出來推介:「我哋D烏冬真係由本地日本人開嘅烏冬廠造嘅, 唔係現成貨, 所以煮出嚟更煙煙韌韌」
可惜小店真的太小, 只有十個座位, 於是我們一等便等了45分鐘, 期間有食客議論紛紛:「E間好似係食沾麵『彩』嘅分店」, 她朋友答:「咁實唔休做啦!」
牛肉鳥冬(細)$56一上枱, SY大叫:「嘩!好靚呀!」真的很有心思, 溫泉蛋放中央, 伴洋葱炒過的牛肉, 夾了數片小蕃茄, 靚得十足一幅日出圖畫一樣.
特製鳥冬外表不似一般急凍鳥冬的光滑, 有點似打邊鍋的魚麵,
較普通烏冬粗, 再多一點煙韌. 湯底有超濃牛鮮味, 刺穿溫泉蛋來與鳥冬一起放入口, 滿足爆!!
SY大叫:「溫泉蛋! 好好食」, 這位小朋友之前不愛吃蛋, 不如從何時開始又似孕婦一樣, 180度變了口味喎.
日替飯三文治定食 $48（特價$43）, 這是阿太指定要吃的晚餐, 壽司飯三文治夠飽肚.
原來, 不止每日不同, 就連中午及晚市也不同餡料, 店員:「 好似午市係牛蒡, 今晚就係吞拿魚粟米飯團」
飯團扮三文治, 雖然大大個, 但我不覺得十分特別. 反而套餐附送的豚汁(湯)(單點要$18)及薯仔雞蛋沙律才是堅正!!
SY:「個湯真係咁多餸係入面, 連菇菇都有」, 抵~就是這個附送的入味又足料豬肉湯啦!
炸流心蛋免治($25), 沒有想過將流心蛋搭上免治豬肉,
拿去一起炸, 蛋黃還半流心狀態呢! 真的考功夫之作.
最後看到店員在炸兩個圓形的條狀東西...八卦仁又問:「咩嚟架?」, 店員說:「係用烏冬扭成冬甩狀去炸, 之後灑上糖霜, 日本媽媽會造畀仔女食嘅傳統點心」
地道小食...我的最愛... 我:「麻煩我都要一碟」 , 店員答:「唔好意思, 因為我哋啱啱開咗一個星期, 試業階段, 所以準備數量唔多, 冬甩啱啱賣晒...」
吓?? 極度失望 心諗:「如果唔係要坐成個鐘頭車入嚟, 我真係想聽日再嚟食過...點解頭先隔離枱食最後一碟嗰陣, 個樣仲要咁Enjoy呢!!」
鈴夏食堂
地址：元朗西菁街2號興旺樓地下1E
電話：3686 1606
時間：星期一至日12:00-16:00 ; 18:00-21:00
大仁生活facebook
沒有留言:
張貼留言