上星期, 豬仔媽問:「兩家人一齊去食自助餐囉, 係全蟹宴主題呀」. 因為, 阿太最愛食蟹, 眼闊肚窄的SY愛自助餐, 我又鍾意跟豬仔玩, 所以, 一定要去啦!!
可以食自助餐, SY在中午已經跟我說:「唔好食咁多嘢喎, 唔係一陣食唔到自助餐啦」.
可能個個小朋友對自助餐都心心眼, 記得咸豐年前, 當我還是小朋友的時候, 知道夜晚食自助餐, 早餐都只係飲水就算喇.
原來, 如心南灣海景酒店 LIS Cafe由9月開始至11月正舉辦【濃情蟹宴自助餐】, 真的到處也見紅紅的蟹仔踪跡.
冷盤有一大堆蟹腳, 蟹鉗, 阿太:「E...點解你攞到蟹鉗嘅? 頭先唔見」, 我:「咁你要等佢添喎, 畀人攞晒Lu」
熱盤炒蟹都有三款, 薑蔥三點蟹、鮮茄茸地中海紅羔蟹、九層塔泰式香辣肉蟹...
阿太:「肥嘟嘟嘅紅羔蟹蓋好正呀!
你都去攞啦」, 可惜當我再出去之時, 全部也只剩蟹腳, 無緣一試蟹蓋如何一嗚驚人
薑蔥較泰式香辣比較合我心水, 因為自己也愛原味原味...
不過, 全場最搶手, 幾乎每次重出也被秒殺的, 一定是由一個大型麵包蟹盛著的炸蟹鉗
何謂手快有手慢無呢? 大家不妨看一看短片, 就知炸蟹鉗如何受歡迎.
超香彈牙又不油, 肉多之餘麵包糠又不會擦損上顎,
可惜我兩轉也只食得2隻, 因為不夠人快手, 唯有自我安慰: 小食多滋味!
這碗「蟹粥」好好食! 排隊便可以大廚會即時為你加熱, 過程中就算相隔一個身份, 飄過來的香味, 真的不講得笑呀!
「蟹粥」就連奄尖阿囝也讚不絶口:「好食呀! 原來蟹粥咁好食, 我要叫婆婆整先得」
「蟹粥」旁邊放的「花雕蟹肉蛋白」, 熱辣辣食很特別.
廚房位置右邊有刺身, 另一端則即燒雞翼、德國腸仔、羊肉, 及菠蘿...
SY:「雞翼好食呀! 不過, 爸爸, 你幫我問姐姐吖, 我想要燒菠蘿...」, 大廚超好人, 知道我們人多, 於是索性來一次原件厚燒...嘩! 好味到不得了, 其實我一個人可以KO整個呀!
今日絶對食得招積...因為食完超正燒菠蘿, 我發現自助餐, 竟然有「野葛菜生魚湯」.
美味餃子店的招牌湯水....好甜好好好味!!一定一定要讚一讚想到放野葛菜生魚湯的廚師, 我實在忍不住, 三碗湯即時放入胃, 舒服晒.
食完鹹食, 當然就要光顧甜品,
SY大叫:「哎呀! 甜品都有好多蟹仔喎」
部份雜果撻, 及泡芙上偶然會有一隻小小蟹伏在甜品頂部, 脆岳岳的蟹仔, 記得要叫店員幫手夾給你.
SY最愛當然是雪糕, 小朋友:「爸爸! 你食雪糕啦, 我想去幫你舀, 舀雪糕好好玩呀!」
食飽飽...原來餐廳旁邊更有$5 一局飛標機, 超抵!! 一局可以玩20次, 小朋友們亂玩一通就是開心. 今晚真的又玩又食又滿足!
PS: 今時今日仲有D三百幾蚊嘅自助餐, 仲要有咁多嘢食...真係抵到黐線
如心南灣海景酒店
地址: 香港香港仔黃竹坑道55號
電話: 3968 8888
濃情蟹宴全自助晚餐
星期一至五: 成人港幣$369 小童及長者港幣$218
星期六至日及公眾假期: 成人港幣$389 小童及長者港幣$238
Website：http://www.lhotelgroup.com/en/hotel/lhotel-island-south/Home
Facebook：https://www.facebook.com/lhotelislandsouth/
大仁生活facebook
沒有留言:
張貼留言