每年中秋, 我都期待與火龍玩遊戲, 今年我選擇了先與薄扶林火龍「Say Hi」, 再到香港仔追龍至華富,
之後齊齊直入瀑布灣. (諗就完美, 結果...)
大約20:00到達薄扶林, 當然第一時間走到中秋晚會襯熱鬧...SY:「爸爸!
點解咁多外國人嘅?」(真係喎...過去兩年都無咁多人, 今年仲一半係外國人添)
或者外國外媒有報導吧! 多人參與, 氣氛更熱鬧, 我們第一時間應應節,
猜一個燈謎吧! (細菌開會...估四字成語) ~ 答案:見文末
SY一見旁邊的「嘜仔燈籠」, 即說:「我玩...我玩...我記得上年好好玩」, 我話:「你記得叫咩名? (SY:我記得好玩就得, 唔駛記得名嘅)」
這個當年薄扶林村小朋友的玩意, 從前用爛遮, 鐵線, 壽星公煉奶罐, 及一個線轆造成...我:「係米叫蚊仔燈籠呀?」師傅答:「嘜仔燈籠先啱」
阿囝推著「嘜仔燈籠」, 圍著草坡跑了十個圈以上, 我說:「我們要趕去香港仔喎...走啦!」,SY:「一年一次, 畀我玩多一支蠟燭啦」
SY一見旁邊的「嘜仔燈籠」, 即說:「我玩...我玩...我記得上年好好玩」, 我話:「你記得叫咩名? (SY:我記得好玩就得, 唔駛記得名嘅)」
這個當年薄扶林村小朋友的玩意, 從前用爛遮, 鐵線, 壽星公煉奶罐, 及一個線轆造成...我:「係米叫蚊仔燈籠呀?」師傅答:「嘜仔燈籠先啱」
阿囝推著「嘜仔燈籠」, 圍著草坡跑了十個圈以上, 我說:「我們要趕去香港仔喎...走啦!」,SY:「一年一次, 畀我玩多一支蠟燭啦」
既然說得如此渴求, 於是他又再多換一支蠟燭, 又再跑多3個圈, 我們才可以回村口, 剛剛好趕得及在龍身上香.
而當我們與龍合照後, 便要趕71號巴士往香港仔天后廟找另一條火龍...
不過, 21:30才抵達...上次蒲窩吳師傅說:「我哋21:00就會出發啦...因為舞條龍去華富邨都要一個鐘呀」
我們遲到了半小時, 龍去樓空...SY:「爸爸! 點解D警察咁快執條街D鐵閘呢?」我無奈答:「人人都走晒, 條龍都走埋, 仲唔執埋D鐵馬收工咩?」
不過, 21:30才抵達...上次蒲窩吳師傅說:「我哋21:00就會出發啦...因為舞條龍去華富邨都要一個鐘呀」
我們遲到了半小時, 龍去樓空...SY:「爸爸! 點解D警察咁快執條街D鐵閘呢?」我無奈答:「人人都走晒, 條龍都走埋, 仲唔執埋D鐵馬收工咩?」
於是我們又趕小巴過華富邨等龍過來...原來...我們抵達時,
大鑼大鼓先由貨車運到邨口...
吳師傅的師姐正在打點切, 又對我說:「條龍就快到啦...乜你哋咁遲呀? 頭先我哋係香港仔中心玩咗好耐先出發呀!」
吳師傅的師姐正在打點切, 又對我說:「條龍就快到啦...乜你哋咁遲呀? 頭先我哋係香港仔中心玩咗好耐先出發呀!」
說時遲, 那時快...22:15有師傅指著前方大叫:「條龍落緊嚟啦!!」,SY:「係呀!係呀!...但係點解無火嘅」
師姐答:「危險呀! 頭先係香港仔中心抆晒D香先...一陣入到華富邨中心先再插返晒!」
師姐答:「危險呀! 頭先係香港仔中心抆晒D香先...一陣入到華富邨中心先再插返晒!」
舞龍隊伍的「Hey!Hey!Hey!」聲勢愈來愈大...香港仔的大龍終於來到我們面前啦! 最愛來香港仔看火龍...因為這種近距離, 大坑無法做得到.
當火龍要重新上香之際, 我們便預先走向瀑布灣公園附近靜待完美的火龍現身...
23:10 頭配LED燈, 全身伴隨近千支線香的火龍浩浩蕩蕩的飛舞著,
徐徐由中心往下而來...(雙龍出海, 當你看過沒點香, 與點香的不一樣火龍, 就會知道氣勢是怎樣煉成)
當閃亮的火龍愈來愈走近我的時間, 忽然覺得...原來世上有如此美好的情景,
眾志成城為漆黑劃上一邊光芒...人生突然充滿希望.
SY:「爸爸! 行啦...走啦...條龍嚟到啦」, 可能我真的想得太投入...火龍便沿我身邊擦身而過...
目送火龍入瀑布灣公園...SY:「我哋唔入去?」, 心情仍然興奮的我答:「我哋唔畀入架..要工作人員先可以入」
我對SY說:「不如出年爸爸去舞火龍, 你同媽媽嚟影我, 咁米可以一齊入去公園,
護送火龍落海囉」, SY:「吓?媽媽實影唔到啦」
睇火龍, 我可以興奮一晚; 舞火龍, 我究竟會點呢? 超期待!!
沒有留言:
張貼留言