【屯門食好嘢】 瀑布芝士完浸無骨雞!! 興奮!! (限量15隻)

想不到一年不入屯門, 一入便連續2星期過來...阿太問:「有人Sponsor你去食呀? (我:梗係無啦, 自費呀!), 山長水遠」, 因為睇相那隻芝士雞實在太吸引呀!

這間Marka House, 店員說:「我哋啱啱開咗一個月」. 昨日幸有地膽帶路, 否則我連怎去也不知道...地膽說:「你係旺角搭58X, 去到紅橋站落車, 間舖正正係你巴士站對面囉」

早一晚預先留位, 店員:「室內位置已經滿咗, 你介唔介意坐門外位置? 」

我:「仲好, 方便我拍片!! 我想食芝士雞, 要唔要預留?」, 電話筒另一邊的店員答:「 因為隻雞每日限量15隻, 預留會好少少」

我們先來三重芝士柑橘醋沙律$90, 估不到的超香!! 三款芝士, 分別:巴馬芝士, 蜜糖, 及黑椒.

黑椒的質感最乾身, 最結實, SY一口吞了巴馬芝士:「嘩!好鹹呀! 爸爸, 水呀...水呀!」(我總覺得巴馬要配蜜瓜嚟食先好味)

三款芝士夾沙律菜食便可中和鹹度, 如果沙律菜可以添就更好.

預留的意法烤釀芝士春雞$360(二人份), 一早已被通告要等大約40分鐘...當小肥雞被放上枱, 店員即時捧上超巨形Raclette, 大刀一下一下刮上半溶芝士瀑布傾倒入雞面...

嘩!未食入口, 香噴噴的雞味及芝士香已經不斷飄入鼻, SY:「嘩!好多芝士呀! 好香呀! 」 (我心妄想:唔好咁快收手啦...刮多幾下, 直情用芝士淹沒咗隻雞啦!」

店員:「我哋釀咗D意粉入去, 所以隻雞無骨呀! 只係得兩隻雞髀骨」(好正喎...啱晒我D懶人食)

SY:「好食呀! 意粉乾咗D囉」, (估唔到你又識喎!), 我:「原來意粉溝芝士, 再溝冬菇粒, 露筍夾埋D雞嚟食, 真係最高享受呀!」

可惜, 高級西餐廳對孤寒的仁來說, 都是食半飽就應該離去, 就當食得要健康吧! 我:「屯門食嘢都真係幾貴」

阿太:「高級餐廳呀! 其實E家全香港食嘢都貴架啦」(E句又講得啱喎)

MARKA HOUSE
地址：屯門井財街19號嘉熙大廈地下B2至B3號鋪
電話 : 2698 1111
*餐廳逢星期三休息



大仁生活facebook