網頁

2016年8月22日 星期一

【Q爆食街試新嘢SSS】大笨象~揸支槍去葵廣

今日兩父子又入葵廣飲飲食食...SY:「上幾個星期米嚟過食手卷囉, 又嚟?, :「有沙冰, 有馬卡龍, 有雪糕喎...(SY:!!行快D!!)


今時今日的葵廣超旺, 二樓潮流廊人山人海, 十足行女人街一樣...


三個星期前, 二樓還有數個吉舖, 今日已經全場爆滿, 最旺的店舖名為避暑X, 不過, 我今日光顧的...正是圍著她的三間新店.


因為想吃個小食, 我問Oh My Cow負責人:「特飲$22, 小食$25, 「暴龍杯」有齊兩樣$28 , 咁米抵好多?


他答:「係呀! 抵好多架, 不過杯特飲少D, 同無咗粒發光波」(我情願唔要粒波, 我要平D就得喇!)



以這個「暴龍杯」價錢, 對那4粒一口牛, 其實也沒有任何要求, 雖然不是太腍, 肉味較輕...但又飲又食也只是$28. 不能要求太多啦!!
Q爆指數: ★★★✰✰



之後, 我們走過對面Little Jobs, 因為我要試6色彩虹部兵槍 ($38), 不過, 女店員很好人...第一時間遞上一粒「龍霧」給SY.


SY:E個米好似上次青衣大戲棚食過嘅? (: 咁你睇個今次噴唔噴到煙囉)...口就得, 鼻都係唔得」



這個用(-196)液態氮溝出來的冰芝士圈、棉花糖或粟米片, 原來要咬碎後, 噴出來效果更出...(上次大戲棚玩過, 感覺麻麻地)



還是自己沙冰自己酙入槍比較吸引我....SY:「我想酙晒6隻味道呀? 得唔得呀? 工作人員:「得...不過太高啦..我幫你啦」



6款味道, 分別是士多啤梨、菠蘿、綠奇異、藍莓、百香果、水蜜桃 , 工作人員:「你哋酙滿晒, 影咗相先攪勻佢, 因為攪勻咗唔靚架」


其實, 要試真每一款味, 一定要一支槍只酙一隻味...彩虹6色加在一起, 我只飲到甜味!!



SY:「我覺得Very Good, 分開又好飲, 撈埋又好飲」(梗係啦...係甜嘢你就一定話好味道嘅)


Q爆指數: ★★★★★



最後, 我帶SY去食卡通馬卡龍雪糕 ($38), 我問:「你想食邊一隻公仔?, SY:「無所謂, 只要揀曲奇雪糕就得....



另外, 還可以多選兩款Topping, 當付款後, 等待中途, 我發現有Minions, 美少女變身器, 精靈球...



我問店員:「點解無實物揀嘅?, 店員:「因為今日賣晒, 過兩日先返貨呀!



之前, 油麻地大隻仔開的Stacks, 有類似的雪糕三文治, 但底面則用上曲奇, 感覺較用馬卡龍健康少少.



不過, 今次的卡通馬卡龍一出, 已經大煞四方, 甜就一定是馬卡龍的名字, 而潮流最重要呃Like, Q到爆可以掩蓋甜度, 這才是王道吧!


Q爆指數: ★★★★★


Oh My Cow 噢賣牛
葵涌廣場2樓2010號舖

1830s Macaron
地址:葵涌廣場 2 樓潮流廊 2006 號舖
營業時間:14:00-22:30

Little Jobs
地址:葵涌廣場 2 樓潮流廊2008號舖
營業時間:13:00-22:30

大仁生活facebook

1 則留言: