網頁

2016年8月9日 星期二

【屯門爆Like西餐吧】篤住波 ‧ 食手打漢堡

因為「屯門搵食地圖」個多月前轉載了屯門一間新餐廳, Like過千, 「屯門少有美式餐廳, D嘢唔貴」, 所以亦走入屯門覓食.


多得魚子媽教路, 因為旺角人那裡是置樂, 那裡是龍成花園, 單單靠Google可能也死得!


一走入餐廳, SY即被大大張桌球枱吸引過去, 他竟然主動問店員:「姐姐! 點解無棍嘅?, 女店員答:「我哋9點後先有Q棍供應」



小朋友們又怎會就此罷休呢? 每日也簡單直接用手推撞球, 個個也玩得不知多投入. (Q棍係因為前排有細路, 一支棍篤爆咗天花玻璃, 新舖一開就要用幾千錢維修...慘慘)



餐廳環境超闊落, 一家三口霸了一張U形皮梳化, 其實頗似當年的Hard Rock酒吧



US手打漢堡 $68, 其實以屯門區來說, 不算便宜, 不過, 我怕不夠吃, 所以點了雙層手打漢堡 $108 (SY指定要再另加$20, 要薯條及特飲)



芝士變車打, 多了一隻蛋麵包有烘過又塗上少少牛油手打肉來說有咬口, 有肉汁, 算有誠意, 不過少了一份「嘩!」的驚喜.


半個屯門友同事Max傾開:屯門食個漢堡包都要過百, 幾貴喎」, MAX:「人哋有$68你唔叫, 要叫個雙層牛肉, 梗係貴啦」(咁...都係嘅)



這裡的薄餅, 只有我不太愛的薄批選擇, 想食也唯有就範. 菠蘿怪家庭當然點夏威夷人薄餅 $118.



其實, 薄批來說算太配料, 有厚火腿, 又有肉碎, 茄汁不會太酸, 又不會有油溢味, 有肉有菠蘿, 只是Size細了一點點...不過幾好食...



如果, 我家住屯門, 不用出市區就可以享受到美式餐廳質素的食物, 應該算超方便, 又算新鮮吧!! (所以我估就係E個原因爆Like)



SY愛「推波」至不想離去, 而我覺得順路經過, 走入去感受一下他們的誠意, 非常好!!



不過, 再山長水遠由旺角入來試的機會, 應該不再有. 不好意思!!

Mega-1
屯門青山公路345號龍成花園地下B舖
6301 1185


大仁生活facebook



沒有留言:

張貼留言