PR哥哥上星期說:「喂!下星期帶埋SY過嚟造月餅啦...古天樂代言, 零食物語出月餅呀」我答:「古!天!樂! 一定嚟, 係米佢教我做? 私人教我得唔得?」
PR哥哥答:「古天樂, 你唔好攪啦, 一大班娛記, 你唔會有機會攝到埋去, 留返個人形紙板畀你合照算啦」
(車...紙板照殺你, 橫掂未造過月餅)
我告訴SY會去利東街造月餅, 小朋友好開心:「好玩喎...但我都唔識整」(有雷師傅教你就無問題啦)
其實, 師傅一早已為我們準備了7成的功夫, 例如, 黑芝麻餡己一早放入鴨蛋黃,
月餅皮又早一晚預先整好. 我們只需要兩者二合為一就可,
非常簡單.
原來, 月餅皮一般要用17g 才會皮薄餡靚, 雷師傅:「不過, 你哋初學用20g 會好D, 太薄我驚會漏餡喎」
小朋友左切右切也切不出20g , 我:「大刀D, 你切得太細細粒啦」...因為其他同學一早已經完,
我們還在切皮呢!!
順利切出月餅皮, 但小朋友又求救...「爸爸! 都包唔晒D芝麻...你嚟幫我手啦...」結果, 我以為很易容...卒之沒有辦法之下, 又是要找師傅出馬.
雷師傅出金句:「定D嚟!! 有頭髮就有辦法」, 嘩!師傅一出馬, 2秒KO了9成:「嗱!你包埋少少就可以壓模啦」
原來, 現在用來造月餅的模具,
十足一個打針機, 粉團放入塑膠模具, 一壓...完整月餅便即時誕生
SY好興奮:「放入焗爐啦...放入焗爐啦」, 知慳識儉的我, 將用剩的月餅皮也搓成麵團, 雷師傅說:「無味架喎, 同應該唔會熟」(無問題, 我想玩吓啫)
放入焗爐焗11分鐘, 我們的月餅便接近完成...SY:「爸爸, 你睇...未焗完, 你個無餡嘅月餅已經扁撻撻」
(唔係呀!根本佢就係扁撻撻呀!咁先靚)
之後由焗爐取出完成品, 雷師傅:「我幫你哋掃D蛋黃醬上面, 再焗7分鐘, 咁就完成, 嗱!我幫你個扁撻撻搽多D, 等佢再靚D」
「悅原月餅」(一盒六個迷你裝), 「激新黑芝麻味」及「經典奶黃味」各三 $198
沒有留言:
張貼留言