【8月幸運兒免費】Selfie杯麵+私家甘大滋=自己造

「自己杯麵自己造」已經不再是合味道專利, 今日開始, 大家可以日日造, 鍾意就去灣仔造, 心諗:「正呀!!以後唔駛再等每年只有兩次嘅杯麵嘉年華啦!!」

SY:「E~依度米上次造月餅嗰度?」對呀! Calbee Plus 非常積極, 更將2樓全層改造成「Foodfie 煮播室」, 月餅, 杯麵工作坊之餘, 還有曲奇, 甘大滋.

要造自己「嘜頭」的杯麵, 當然要先Selfie, 我認為用手機相會好少少喎,  SY:「唔好啦! E家影啦, 你電話D相好舊架」(有幾舊呀?)

這裡細心得連打光燈都有, 絶對勁!!

12款杯麵貼紙任你揀, SY:「我揀有喵喵嘅...」連影連打印也只是5-8分鐘內的事...A3 Size大貼紙, 好豪呀!

之後在巨型轉動食物機中, 如果你揀做自己杯麵, 就轉麵餅出來, 如果你想做糖果盒, 就推兩款糖果...SY:「我唔夠高呀!! 跳高可以掂到, 但撳唔到呀!」

SY非常愛攪攪震, 他直情將轉動機變成跑車呔盤一樣, 風馳電轉...我:「仔!! 爸爸無錢賠架...轉到個麵出嚟就好收手啦」

原來麵餅一盒有兩個...真係抵過合味道一倍喎...

然後, 3款調味粉及9種配料中揀出5款放入杯麵。 SY:「你又要雞, 又要牛, 又要豬肉, 會唔會好多肉食唔晒呀?」(咁細粒...應該唔會掛)

工作人員封蓋後會貼上有效日期, 不過, 一個杯麵的期限, 原來只有一個月...(食? 還是留念??就要30內決定啦)

SY:「我要貼貼紙...」但因為眼見在場有同學張貼失敗, 所以, 如此重大任務, 還是找工作人員幫幫手吧!!

工作人員:「黐側邊貼紙有秘訣, 就係千祈唔好撕開大範圍嘅貼紙, 只要你撕開小範圍的部份, 包你會貼得好靚」(有你幫手就得啦...)

最後, 再封密實袋...一碗專屬重量Cup杯麵完成啦!! Yeah!!

完成第一任務之後, 第二任務就是好好玩的甘大滋工作坊, 當然, 首先要影一張Selfie啦. (不過, 甘大滋不設上載相片功能, 只能即場拍照)

SY:「爸爸! 唔好影啦...要入嚟廚房做甘大滋啦...快D啦, 我唔識整呀」

原來, 今次我們要由麵糰開始 DIY 巨型甘大滋, 老師說:「其實好簡單, 只要將個麵糰均等切開8份, 再搓成長條形狀就得, 不過, 記得要搓出麵糰入面D空氣出嚟, 如果唔係焗完出嚟就會裂開」

SY:「爸爸! 你快D幫我手啦, 唔搓唔到條條一樣長呀!」以一個只識煮杯麵的老仁來說, 搓麵糰就如同搓泥膠一樣簡單啦, 輕輕鬆就完成.

終於可以將半完成品放入焗爐, 大約15-20分鐘後...我們的甘大滋出來了!!

SY:「爸爸! 點解條條都爆晒嘅?」, 我:「原來有空氣, 真係會裂開喎...不過, 以我手勢, 唔斷開已經係好好架喇!」

之後就是小朋友最期待的浸上朱古力醬的時候, SY:「我想浸好多好多好多...(奸笑中), 咁先好食!」

我們有8款Topping可以加上甘大滋上作裝飾, 我沒有見過有人一邊灑Topping, 一邊密密食盤上多餘的Topping...小朋友你真太忙碌喎.

我:「等我試下我造嘅甘大滋好唔好食先...」, SY:「爸爸!你搵斷咗嗰條食啦...E啲咁靚我想儲呀!」(吓?甘大滋都儲?)

我:「係米我哋搓得太粗呢? 點解硬過平時食嘅甘大滋嘅? 不過咁大支, 又自己親手造, 仲被我沾滿了勁量朱古力, 感覺又幾好食喎, 係就係硬咗D, 不過話晒自己造, 一定好食啦!!」

零食物語 Foodfie煮播室
地址：香港灣仔皇后大道東200號利東街地下G14-15號1樓
營業時間： 11:00am – 8:30pm (星期一至日)
電話：2797 9967


烘焙工作坊
時段：11:00am-12:30pm、2:30pm-4:00pm、5:00pm-6:30pm
製作時間：90 分鐘


標準裝（ 巨型甘大滋約 8-10 條）
收費︰$235/ 成人

家庭裝（ 巨型甘大滋約 10-12 條）
收費︰$335/ 成人及一位小童 （額外每位小童需附加 $50）
註︰每位成人最多可攜帶 2 位小童參加（4 至 12 歲，身高達 100 厘米）

8月著數月, 大家只要符合以下 5個條件之一,  8月 18日至 31日便可以免費參與 Foodfie 創意杯裝產品工作坊1次，每日名額得 20個，報名要快手少少啦！


1)  8月生日
2)  於2016年8月考獲車牌
3)  8月為結婚紀念日
4)   於2015至2016年度考獲頭3名 (任何學術成績或比賽)
5)  Okashi Galleria x Calbee+店購物滿 $300

大仁生活facebook