網頁

2016年8月4日 星期四

【20隻喵喵的家】忌廉哥陪你免費玩AR Game

朗豪坊變身貓貓的家...本來, 對於沒有Mascot的展覽, 興趣不大. 不過, 家中老闆大叫:「嘩!咁多喵喵...爸爸帶我去, 帶我」


我對SY:「你知道邊個係忌廉哥咩? (SY:唔知)我續說:「個場無真貓喎, 全部都係假貓嚟架」, SY不耐煩答:「總知我好想去, 假貓都去」


毛毛控的SY, 一走到商場大堂, 即被超巨型毛毛腦吸引, 飛躍與貓擊掌...誰知整個人也跣了在地. (你為咗隻貓, 真係跣得幾盡吓喎)


大貓身後有一個小浴場, 4隻喵喵正準備沖涼...SY:「我就係鍾意黃色E種貓貓呀!


其實, 小朋友何時起喜歡上貓, 我不知道; 他說喜歡的, 像是從前「俏皮扮嘢貓What's Michael」吧!! (阿囝...乜你都有睇過E套卡通咩?)



貓貓也要玩懷舊, 所以就有一間80年代格局的喵記士多



都說老鼠是貓的好朋友一隻可愛灰鼠就在玻璃櫃內...等忌廉哥來捉.


正當SY在研究貓貓是不是會被人製成午餐肉之際, 我還罵他:「你太殘忍啦」, 原來, 真的有人食貓?


SY:「爸爸! 你唔好講笑啦」但正正就在紅色餐牌上印有, 「港式熱貓」....(熱狗個Friend), SY:「假架...個牌係假架, 無人會食貓架, 貓咁可愛」


士多後有一隻1:1羊毛氈手製「忌廉哥」, 今次不用SY, 我搶閘說:「真係好得意呀~, SY:「爸爸! 我都未講, 你做乜講咗我會講嘅說話?


原來, 由今日開始, 直至4/9, 商場舉辦了一個活動, 集齊1,000罐貓罐頭, 商場就會轉捐有需要流浪貓. 絶對有意義的活動.


與此同時, 商場亦設有兩款免費喵遊戲給大家玩:

免費必玩1:


就在「貓湯」浴場後, 你可以6款貓貓遊戲中選擇一款, 之後就可以拍攝一段4秒短片.


拍攝後, 只要即時在螢光幕中掃瞄QR Code, 短片即時下載到你手機.


免費必玩2:


一屋AR喵喵通屋走~5AR貓仔, 正正會圍著沙化, 虛擬地走來走去.


SY一見最愛的黃色貓彈出來, 即時大叫:「我要攬實佢, 佢真係好可愛...~! 原來有兩隻架~ Yeah~Yeah~




喵民遊樂園‎HappyMEOWment‬ (全場有20隻喵喵...睇下你搵唔搵得齊??)
日期: 即日 - 9月4日
地點: 旺角朗豪坊4樓通天廣場
時間 : 11am-11pm



大仁生活facebook

沒有留言:

張貼留言