朋友告訴我:「黃埔有間新開珍珠奶茶舖,
聽講話有好多款唔同味珍珠, 全部係佢哋手工造喎」
我好奇問:「2016年先嚟開珍珠奶茶??會唔會OUT咗廿年? (朋友:咁你要去睇下囉)」
不過, 幾個星期沒有逛過「黃埔奇趣」,
今日便順利去奶茶舖看看啦. 新張期間, 讚好官方FB送鐵觀音軟雪糕...
可惜阿囝勁咳, 我們放棄雪糕...避免因小失大, 要去睇醫生又無幾百...
所以, 今日齋飲. 阿太飲店員推介的抹茶白玉($26), 而我則試紫薯, 薑汁, 黑芝麻味三色珍珠鮮奶 ($28).
要讚一讚這位年輕女店員, 因為額外加珍珠, 每款索價$7, 她很體貼的幫我選擇了三色款...(Yeah!!慳咗$14蚊呀)
鮮奶充滿維記味道, 因為真的用維記沖製, 我問店員:「白玉...有少少粉紅色係咩嚟呢?」她答:「今日用紫薯代替」(哦!咁早知我嗰杯唔試紫薯, 要阿華田珠珠啦)
一心期待的爆味薑汁, 結果...不是杯上寫明是薑汁, 真的難以咬得出...情況似十足食爭鮮三文魚,
你視覺話三文魚便是三文魚味囉, 實質魚無魚味.
可能珍珠以手工製作, 所以較一般飲慣的珍珠韌,
或者我又太貪心, 三款味道分開咬來試味...結果, 咬完全部珍珠, 牙骹也酸酸軟軟...
三款珍珠, 薑汁只有BB微弱薑味, 紫薯膠甜, 唯獨黑芝麻味最似芝麻,
原來我是還有味覺的...YEAH!!
沒有留言:
張貼留言