今日參加香港貿易發展局的香港家庭用品展及香港國際家用紡織品展特別導賞團, 團長問:「你平時屋企家居嘢, 阿仁你買多定你太太買多呀?」
我想也不想即答:「唔駛我買, 我太太攪掂」, 不過心諗:「我只係對玩具,
Bearbrick有興趣, 屋企用嘅嘢, 唔爛就得啦」
家品展擺設得超漂亮, 同行女團友雀躍得似宋仲基出現一樣...而我...可能今世也不會有共嗚.
1E-D17 Daka 攤位, 沒有工作人員介紹, 唯有用自己方法去研究,
究竟這個得獎的過濾膠Snapbit, 如何有用呢? 可能迫識煮飯的你會明白.
假設我煲湯, 整個煲拿出廳飲, 碗也不用洗, 湯渣直接一同進食,
不更方便嗎?
不過汽球一樣的Salt & Pepper
Shaker, 型到爆就真, 放在廚房都可以如此有型, 真好.
1E－F21 Puzhen Life, 有中西合壁的香薰機,
又可以聽歌, 又可以變色, 又可以噴煙. 而且更是人手製造. 好過癮吖.
1D-C14, JIA 品牌的攤位, 我以為是飯煲, 原來是傳熱極高速的蒸籠,
真的集傳統與新穎於一身.
之後的茗茶效遊套裝, 絶對出得效外, 入得大廳. 聞說是參照從前皇帝打獵時,
茗茶的套裝改良的. 超高貴
1B-F02是ClipFresh 的密實盒. 工作人員:「我哋嘅蓋,
特別設計過, 最少可以開合500萬次才會爛」
即是如果一日開合200次, 我可以用足68年. 嘩! 到時SY75歲,
先需要買第二個盒, 勁慳呀!
還有一個小盒可以剛剛好放入我的Bearbrick喎.
3B－D13 Ananda Jothy
Exports, 印度展商的咕臣, 窗簾原來也和我們用開的差不多喎.
3B-D08 PT . Indah Jaya Textile Industry, 聞說印尼高品質毛巾厚身又用...手感不錯, 超碼沒有脫毛問題, 已經好過花園街貨式千萬倍.
3D－D31 NAP, 全場最靚的燈飾,
設計師阿Mine竟然可以將燈泡包裝盒, 同樣設計成燈罩. 超環保, 勁有心思.
Mine:「雖然用烏絲燈胆, 一般壽命只有500小時, 但比LED更無咁壞眼,
而且我哋可以同你設計特色圖案㗎」
不過, 一做最少訂100粒...如果可以扭個Bearbrick, 我真有興趣訂喎.
沒有留言:
張貼留言