【Oscar北角開分店】大件夾抵食~Starwars雲吞雞

「生煎皇」~我由西洋菜街食到Oscar 搬到油麻地新寶旁邊. 因為我跟SY有鍾情上海菜的基因. 「生煎皇」北角開分店, 一定要試.

「城市中心商場」究竟在那裡? 下雨晚上, 幸有乾衣店老闆指點:「唔係我E邊呀...直行2分鐘, 見到OK隔離先係」

原來北角有一個新改建的劏房商場, 「生煎皇」就在地庫最角落位置, 店舖位置多過油麻地最少3倍.

甫一坐下, SY望左望右大叫:「爸爸我要食生煎包...E...你又話生煎包係度嘅?」

(PS:過了海的生煎包沒有失準, 多汁好味, 只是睇不到老闆, 有點不慣)

我:「係囉...可能佢要睇住油麻地間舖掛, (囝:咁點解我哋要咁遠嚟食呢?), 因為爸爸想食砂鍋雲吞雞.

說好的砂鍋呢? 連店員也不知道不用砂鍋上的原因...「E個鍋都好重吓, 可能砂鍋太重掛」

爛gag友上身的SY:「Starwars? (我:砂鍋), 爸爸!我仲以為雲吞湯有Starwars, 哈哈哈..」這個「砂鍋」笑話, SY說了一個月依然一講就自己笑.

$88 雲吞雞, 真真正正足半隻雞, 大大隻雞髀, 五粒大雲吞. 10年前波鞋街未重建, 有一間40年老上海店「友誼小館」, 砂鍋雲吞雞都要$58.

SY:「嘩!$58蚊米仲抵, 有無E度咁多雞? (我:係十年前呀! 阿囝)」不過今晚很有趣, 半隻雞斬兩份, 一半肉嫩, 但另一半有少少老

老實說, 不知是否看慣了的Oscar不在, 總覺得...雖然湯底滿有雞油香, 但少了一點人情味. 因為次次臨走前, 老闆一定會關心問句:「點呀! 今日D嘢食得唔得?」

金頤小館
地址：北角電氣道 233 號城市中心商場地庫 297-301 號舖
電話：2965 8688 (免加一)


PS: 聞說這店是染布房街$98海膽飯老闆找Oscar幫手的, 難怪舖頭也不是叫「正宗上海生煎皇」啦!



大仁生活facebook