年初四經過太子砵蘭街, 發現忽然有間新舖頭「魂燒」, 不過每日傍晚6點才開業, 對返夜的我, 就到今晚才有時間食!
阿太:「嘩!點解早幾個禮拜經過, 唔駛排隊喎...今日排咁長龍?」 (原因尋日新假期介紹咗囉)
正在忙於串燒的大廚叫寶龍, 我問:「你好熟口面...」, 寶龍:「你係米之前嚟過大圍食串燒? 小儀街坊廚神都有嚟影過」
我:「係呀!電視睇過, E度新開咗幾耐?」寶龍:「2個月, 之前我哋放D枱出嚟, 畀食環捉, 所以E幾日要辛苦大家排耐少少隊」
今晚全部交由寶龍發板...必食首選【激爆蟹黃飯】($128)
:「D人話定價高, 但你睇真係超多蟹膏㗎」(真係D膏多到封住個嘴!! 勁到出唔到聲)
阿太:「嘩!真係嚇死人咁多膏, (SY:個蟹柳好食呀!)」原來, 這兩條正正是松葉蟹腳肉, 非一般假蟹柳.
寶龍:「最好預訂, 因為每晚得30碗」今晚21:15售罄, 好彩我們早少少到.
必食次選【大虎蝦】($58),
超大條...SY手持的【燒鰻魚】只是半條份量
($49), 長度已經與碟相約.
我不吃蝦, 於是問阿太意見:「彈牙又入味, E家凍晒都唔差喎, 如果頭先你影快D, 我諗真係好好食」
(係!係!係! 下次影快D, 知道)
至於鰻魚真心好味道. 無骨又軟又綿, 入口慢慢溶化, 好食! 難怪寶龍話:「鰻魚係必食三甲 」
其實廚神話:「如果你食得落, 【安格斯肉眼扒】($88)真係抵食, 個份量超足料. (我:但我驚食唔到喎), 咁你叫一口牛啦, 一串串都唔錯呀」
【安格斯一口牛】($28), 抵食!看似韌韌的肉質, 一咬就知龍與鳳. 牛肉嫩到呢!!! 最正就肯定肉汁夠, 所以一口冬菇, 一口牛, 就算坐在砵蘭街頭, 今晚一樣超滿足.
我問廚神:「點解你唔索性改名燒魂咪仲正?」寶龍:「你點知㗎...我最先真係諗住叫燒魂, 不過原來有人用咗, 所以先叫魂燒」(其實叫真‧燒魂仲正)
經過今次經驗, 下次來找寶龍, 一定叫兩串, 影完食完再點, 因為廚神的摩打手, 食物上枱速度奇快, 結果, 相機熱食, 我們全部凍食.
最後來甜品, 阿太讚不絶口的【榴槤炸物】($32),
不切開由自可, 安安全全...
一打開...嘩!臭到...阿太:「好香呀! 你聞吓...嘩!食落...好正呀, 好正呀! 未食過咁正嘅炸榴槤, 得閒外賣返屋企先得」(唔好預我, 你最好食埋先返上樓)
溫馨提示: 最好致電魂燒訂位, 因為今晚人龍排到隔鄰藥房. (註:店內+店外只有20個座位)
魂燒
地址:太子太子道西106號地下D舖(顯示地圖)
電話:5401 1150
營業時間:6pm-2am
大仁生活facebook
沒有留言:
張貼留言