因為翠如BB一張IG相, 尋日剛剛逛完「牛下新城」, 今日都要即刻再嚟食漢堡呀!!
我問:「嘩!你哋日日都咁早賣晒㗎?」, 店員:「唔知點解今晚咁多人, 之前個幾日都好少人, 真係唔好意思」
原來就是因為翠如BB, 四日前食過的原力覺醒!! 入寶山豈能明明走, 所以, 今日, 我也一定要食到「Burger B」
我16:00走到Food Court...哎呀! 點解17:00 先開始賣漢堡包呀? 莫非我與包無緣, 兩日都食不到.
老闆阿文:「我特登過嚟幫手, 一日做100個都唔夠賣, 不過最多都係做到130個」
另一老闆Simon:「頭先13:45我要截龍, 因為中午已經賣咗60個. 其實我想再遲D, 18:00先開始賣包添, 因為19:00就無得賣, 好核突啫!」
我心諗:「唔理啦!! 最最最緊要我今日有得食, 我最愛菠蘿, 就來一個菠蘿牛肉流芝堡($42)」
漢堡店即叫即製, 一捧上手已經牛香無極限,
而且還夾一塊靚靚沙律菜, 隨小木板上枱, 忽然覺得由九龍灣, 變身到淺水灣的享受.
牛味正, 肉不韌, 內汁芝士汁源源不絶的滲出來, 我好想用性感來形容, 牛肉有輕輕的洋蔥粒, 數量好彩不多, 否則我會好驚有口氣.
朋友說:「如果唔係用千島醬我會更加分...」我答:「如果可以加多少少芝士醬, 麵包多上一點牛油, 這個包簡直完美」
救命!!$42蚊有如此質素, 牛肉又厚過包Tempo, 超抵!! 不過我同朋友說:「早知今日無雞翼, 我就唔加$15要汽水同薯條啦」
朋友:「都唔係吖!D薯條真係薯仔炸㗎喎, 雖然都係少D, 咁梗係雞翼著數, 個包正乜都抵返晒啦」(咁又係!!)
~臨走前跟兩位老闆合照, 下次送個電話留包服務給我, OK?
Burger B
地址：九龍灣牛頭角道3號得寶商場TBG Mall FC01舖
漢堡包供應時間: 12:00-13:45, 17:00-售完即止, 數量約100個
沒有留言:
張貼留言