網頁

2015年12月1日 星期二

【下午茶時間】自己Crème brulee自己燒 @ Paul Lafayet


早幾日, 一家三口走去太古城中心玩飄雪溜冰, 其實亦玩了一樣超興奮的玩意, 就是到「Paul Lafayet」親手燒Crème brulee工作坊, Crème brulee食得多, 自己燒真的第一次, 勁開心!


不過工作坊前, 當然要先食飽飽, 於是我們便第一時間點了「聖誕月」舖頭的最新出品~雙重粟子的浪漫.



這個正正方方的小小粟子蛋糕 ($45), 單純外表並不太吸引, 不過一刀切開, ! 用粟子蓉慕司即如半熟蛋糕如泉湧, 勁興奮.


而且蛋糕底並不是我最討厭的海棉蛋糕, 而是蛋撻底, 夠新意...如果有酥皮底版本更渾然天成, 雲尼拿慕司混粟子蓉慕司原來好夾好夾...(好食到唔想講嘢


至於金色的粟子馬卡龍 ($20)...雖然這裡已經出名輕甜, 不過...老老實實, 旁邊藍色的黑加倫子味委實太出眾. 簡直一見鍾情.


其實, 馬卡龍一向少食多滋味, 不過今次的黑加倫子味, 就連抗拒馬卡龍的阿太, 竟然一食再食:「酸酸甜甜真係正, 我咁驚馬卡龍, 都鍾意咗佢酸酸地嘅味道, 你唔覺得好食嘅咩?」 , 我:「!! 味道中和咗D, 愈嗒愈High」


之後就到我非常期待的Crème brulee工作坊, 我問:「點解你哋有一大一細嘅?


大隻總理阿John:「迷你版係有橙味干邑酒, 可能未必啱小朋友」, (係呀! 正常大版本啱我哋多D)


工作坊正式開始...首先由阿John示範正確的燒Crème brulee手法...其實SY都想試, 不過有火, 太危險, 所以今次他只可以隔住玻璃「欣賞」我玩...嘻嘻


我當然就是攪攪震代表...我問John:「係米我將D糖舖個心心都得架?, (John:...不過邊邊位無糖無咁好食喎)...



於是我便開始印一個心型圖案...但畫圖零天份的我失手了...結果就變成了一個「十字架」.


為了「無蝕底」, 於是當然邊邊位置也舖一圈糖, 結果有朋友說:「真係CrossOver, 中村藤X都出埋...」哈哈!又會咁橋?? 早知我整個仁字啦.


這裡的Crème brulee名震江湖, 就算我燒得如此怪形怪相, 原來味道一樣無被我破壞. (當然無大師嘅巧妙手勢), 但仍然充滿香脆焦糖效果呀


細細力敲碎十字架形的薄脆焦糖, 濃濃的蛋香便向我呼叫:「燒完我, 食我啦, 食我啦」, 本來對蛋非常抗拒的SY, 忍不住大口大口食不停, 我問:「你唔係唔食蛋嘅咩?(其實我想叫停佢, 因為我都想食一食自己的製成品呀)


這裡的Crème brulee充滿雲尼拿籽, 好正!! 好香!! 食到不停口的SY:「佢係豆腐唔係蛋...」阿John聽到就笑笑口:「小朋友你唔食蛋唔得架喎...不過Crème brulee有忌廉, 有牛油, 仲有蛋, 所以蛋係米好好食呢」(係囉!! 聽吓John哥哥講啦, 唔該)


臨走時阿John對我說:「下個月, 我哋會有一個馬卡龍工作坊, 不過詳情未知, 你有時間都可以嚟玩喎」(好呀!)

Paul Lafayet
太古城中心1113號舖
工作坊查詢電話:35830251

~~~~~~~~~~~~~~~~~~~~~~~~~~~~~~~
*太古城中心禮遇:Paul Lafayet聖誕蛋糕:
顧客凡於121127日期間, 在太古城中心兩間不同商戶消費合共港幣3,000元, 憑即日電子發票, 即可以指定優惠價換領LOG-ON Paul Lafayet聖誕蛋糕乙個, 詳情請瀏覽太古城中心網頁www.cityplaza.com


大仁生活facebook

沒有留言:

張貼留言