【Miffy又嚟啦!!】一大十細‧「驗屍官」都話水皮?? @置富

Miffy其實算不停來港,  5年間最少三次, 我和阿太說:「今晚去影Miffy...」她即帶齊過百隻杯緣子出動, 結果...

6年前聖誕, 55周年的Miffy到過海港城, 阿太話:「幾靚呀! 你睇可愛到呢...今日, E啲咋到死, 又醜樣」

妳是Miffy專家, 可能有「驗屍官」眼, 不過, 其實我覺得, 連同上年宣傳世界杯的新港城展覽, 三次的Miffy不是左手撓起, 就一定雙手垂下, 隻隻都一樣樣喎.

可能我一早預料「置富」氣氛不會太好, 但今次竟然有一個巨型吹氣大Miffy, 再加10隻5呎高公仔台...3線商場有此陣容, 算有交代啦.

我叫阿囝扮MiffyBB睡覺, SY答:「瞓覺點會企係度, 佢應該係喊緊先啱」 (是旦啦...喊都無眼淚)

  

SY無端端拉我去橙黃色的一隻前面:「E隻係特別版嚟...(我:你點知呢?), 隻隻都係一隻色, 佢有兩隻色」

今日, 阿囝最高興就是不停圍住吹氣大Miffy走來走去.

阿囝好大聲:「爸爸你睇...跳We嘩咁呀...可以捐入去」當然他的危險動作, 即時被我遏止...SY:「我扮之麻, 咁窄!我又點入到去呢...」(最近他很多辯駁)

之後的一招, 被這位雄辯滔滔的小朋友形容為「梳頭」的玩意, 他又足足玩了十多次. 他還吩咐我:「拍片啦, 我想你幫我拍片, 可唔可以?」

SY問:「60係咩意思? (我:60歲囉)...吓! 係米吹氣大大隻Miffy呀? 咁企係度嗰D幾多歲?」(吓?? 咁照Size估應該...20囉)

臨走前我問阿太:「點解你帶咗D杯緣子嚟又唔影?」她不耐煩答:「我以為你去黃埔, 我先帶咁多...早知你嚟E度, 我唔帶添呀! 咁咋, 快D走啦」

「車!又唔駛錢, 我點知你要求咁高啫!」

日期：2015 年 11 月 2 日至 10 日
地點：紅磡置富都會




大仁生活facebook