暑假頭, 一家三口走到銅鑼灣Tiger
Curry食白虎咖哩, 那份辣到爽爽爽的感覺,
連阿囝今時今日仍然肯肯定大大力點頭.
Tiger Curry上個月秘密闖入海港城開分店, (Cafe Tiger High住Tea咁攪鬼??), 過海後的老虎仔會不會更威武?!
老虎早餐愛食狗!! 所以新店有一款全日早餐...入型入格食熱狗.
另類All Day Breakfast, 囝問:「點解夜晚食早餐嘅? (食定聽朝米唔駛食囉),
點得架? 我早餐係食朱古力奶脆脆片喎」(你想食朱古力之麻!!)
大廚先煎好奄列, 再將綑綁住煙肉的大肉腸炸得熱辣辣, 之後慢慢將她們嵌麵包之中, 最後舖上大量咖哩椰菜.
(嘩!早餐食得咁豐富都好有罪惡感喎~好彩E家係夜晚啫)
用煙肉紮實香腸...雖然即時令仁有少少虐待聯想,
不過食落, 就會明白...原來香腸是要殘酷對待才好味的喔!
咖哩椰菜才是這隻小狗的精髓, 這簡直如同海洋公園哈囉喂要有羅蘭姐, 刺激入魂!!
(無咗羅蘭姐OP都仲敢叫哈囉喂? 收得喇)
虎笑蝦多士$68, 一看到餐牌的名字, 不得不第一時間落單...(直情係用嚟鬧老闆最啱:(苦笑)好多事)
這款小食很正...細細件的蝦多士好味道之餘,
用來點配日式溫泉蛋, 絶對似港男娶到一位日本女子當太太一樣...夢寐以求的感覺.
記得要將蝦多士, 用濃濃的蛋醬活埋, 正到非常滿足, 建議多點一隻溫泉蛋, 否則尾尾的多士會很孤單.
甜品的格格虎$43, 窩夫熱辣辣, 正所謂一熱遮三醜, 而且配檸檬蜜糖, 簡直靚過麥明詩啦!!
(而且格格虎仲有好多朋友添, 你睇又有藍莓, 又有芒果, 一大班老友記)
熱格仔, 配雪糕...本來就是絶配, 可惜今日有雪糕殺手的旁邊, 我只能夠分到一啖雪糕...(唔能夠用雪糕填滿每一個格仔, 根本食得唔滿足, 不過Tiger
Curry嘅雪糕超濃, 估唔到咁正!)
點解吾見你哋吃中或平民早餐既?比如挺仔粥,牛利so,白粥,腸粉,大包…哈哈
回覆刪除http://dayanlife.blogspot.hk/2015/05/blog-post_28.html
刪除腸粉大皇好有米香...挺仔粥,牛利so, 大包…我仲未搵到有特色, 如果有任何推介, 歡迎介紹我呀!
多謝你的意見.
多謝你支持. 腸粉大皇不錯, 還有http://dayanlife.blogspot.hk/2014/01/j2.html
刪除芽莊城越南牛肉粉, (春卷, 滴滴咖啡)
http://dayanlife.blogspot.hk/2015/01/blog-post_16.html
越式阿肥美食 (但這間不是常開業)
http://dayanlife.blogspot.hk/2015/04/blog-post_13.html
和記~ 超級隱世必食下午茶
http://dayanlife.blogspot.hk/2015/03/hea-so-boring.html
蘇波榮~So boring (坐在街頭的小店, 很有心的年青人經營)