今個星期, 我一見人就講:「星期三我去機場玩鹹蛋超人呀!! 超期待! 成個鹹蛋遊樂場, 又有真人Show....你都一定要去...」(簡真似收咗錢代言一樣)
個個朋友都答:「駛唔駛咁興奮? 乜你唔係淨係鍾意幪面超人咩?」(係!
之不過逢係識變身嘅人, 我就鍾意架喇)
原來這班「天際最強人物」1966年出世, 奇怪喎, 49周年都可以舉辦如此大型節目,
明年應該可以更大規模啦!!
我不理會47年, 還是48年, 總知可以集郵, 可以玩就得.
(咁鬼貴坐機場快線嚟, 唔玩返夠本, 點對得住自己呀?)
必玩情景1:
全場最震撼, 一定是2層樓高的ZERO、及貝利亞對戰的情景.
(嘩!仰高頭都睇唔晒咁大隻!!)
最初未知原來可以走上天橋, 溶入當中簡直「Good
Idea」...不過, 如果位置可以前少少就更好, 超人太大, 人又後, 個個都變成一粒骰. (識都唔會知係乜水)
必玩情景2:
之後, 我們就走到旁邊玩「連環快拍」, 十部相機孤形排開,
同一時間拍下我們跳起凌空的情況, 再變成為一條短片.
兩個大人已經難夾時間, 如果加兩個小朋友就難上加難啦...可以的話自己看一看效果才離開會好少少.
你睇...四個人, 得一個傻佬跳起, 攝影師都收貨???
可能攝影師哥哥太忙碌吧 !!
不過, 要大讚工作人員的速度, 因為不能現場傳送檔案, 但經電郵,
竟然不出2小時就收到. 效率神速, 勁抵讚.
必玩情景3:
體感遊戲, 可以在限時之內消滅最多的巴魯坦星人, 滿足感最強...我們有9500分,
阿囝:「爸爸...你都算唔錯吖」(吓!你頭先得4900分咋..懶叻)
必玩情景4:
想更進一步了解超人, 4個小小小片場絶對要影完再影...
每一個電影情節又會有兩張導演凳, 如果你玩得有點累, 不妨坐坐休息一下啦.
這幅相...其實小朋友...點解你會知道攻擊怪獸這個部份,
是有機會取勝呢?? (點解你會學埋啲咁陰毒嘅招數㗎??)
老實說, 阿囝, 及魚子醬小朋友...., 我不太明白,
點解我每張相都一定是飾演壞人呢??
之後大會宣佈, 舞台劇主角們會出來大合照...Yeah!!
我快快影完吉田, 當然要9秒9衝到台前....
點解我最想影的5位鹹蛋超人變成配角, 企在第二排呢??
魚子醬媽:「中間嗰位係羅子喬呀!王晶旗下, 佢做超人之母未變身前㗎!!」
孤陋寡聞的我, 而我不知道羅子喬是誰, 我情願真的超人之母企中間...不過,
羅 小姐今晚也算穿得慷慨...(如果唔遮住我啲鹹蛋就更加好啦!!)
明天續...
日期: 2015 年7 月9至12 日 (星期四至星期日)
時間:互動遊樂場及主題展覽
地點: 亞洲國際博覽館Hall 8、9、10
時間:互動遊樂場及主題展覽
地點: 亞洲國際博覽館Hall 8、9、10
沒有留言:
張貼留言