廿年前, 去旅行習慣會寫明信片給香港親友及自己, 這種情懷隨Email出現, 漸漸變成為侏羅紀行為.
這位年青女子叫Kathy, 熱愛寫信, (這年頭還有寫信人...認真難得), 男朋友阿豪說:「佢好鍾意寫信㗎, 每次節日就寫一封送畀我」(好冧的一對小情侶)
Kathy早年在一個工作坊內, 寫過一封信給半年後的自己, 她說:「半年實在太短...收到信的一刻, 基本上都記得晒啲內容」於是她又將信擱置一旁.
時間又過了3年, 無意間她重看這封舊信, 原來當年她剛剛與前度分手, 信中內容就是希望認識到真命天子. 阿豪接口:「內容咁老套...之後大家重睇, 笑到見牙唔見眼」
Kathy於西貢的檔位只開業2個月, 所以暫時還未幫過人記出信件, 但就已經好好保管了約40封未來的信.
Kathy好感謝大家素未謀面, 但也肯相信她, 將自己未來的祈望, 交托於自己手上. (嘩!壓力超大...好似我成日唔見嘢, 萬一唔見咗疊信, 我實內疚死)
2年前, 倆口子拍拖經過西貢這邊, 發現市集很有情懷, 而早前Kathy萌起了寄信到未來的意念, 於是阿豪就提議申請這裡擺檔.(羨煞旁人!!)
原來, 西貢市集檔位日租也要$250, (唔貴但又唔平囉), Kathy:「所以靠$20寫一封信, 點夠交租, 於是我就兼賣其他文具幫補吓囉」
今日機緣巧合下, 我來到西貢, 又看到這個仿真郵筒, 實在找不到理由, 不去寫一封情信給一年後的大仁.
原來, 寫信給未來的自己, 心情會十分起落, 簡直有點心如鹿撞, 毛管戙的感覺. (Kathy話多數人都係咁㗎喎....)
我與小情人來了一張合照, 並希望Kathy能夠於, 2016年可以6月4日幫我寄出.
因為這封信我同時寫給囝及阿太, 我希望明天年6月6日, 我們一家三口, 可以再走到Kathy及阿豪的面前, 一同見証. (到時就來一個5人合照吧!! 好嗎??)
(有冇收過最感動的未來信?), Kathy:「一位孕婦, 寫明信片給一年後誕生的小寶寶, 她還記得當日那位孕婦笑著寫信的神情. (連我也突然覺得...原來西貢碼頭充滿愛)
臨走前, Kathy:「好希望你一年後收到這封信的時間, 沒有後悔過一年前做過「寄到未來」的舉動」(一定唔會, 我已經覺得今日好溫暖, 好有生命~ Kathy, 豪, 約定明天今日再見)
沒有留言:
張貼留言