網頁

2015年5月15日 星期五

【60分鐘派晒籌】趕頭趕命食好嘢 @ 中村藤吉 抺茶

2015年5月15日, 是一個大日子, 因為TheONE的「中村藤吉」11時正式開業, 我與阿太早上10時05分便闖上18樓, 一面急步行, 一面擔心, 「會唔會排到落樓下呢??」


嗚~當一出電梯, 發現前面只有13組人在等候...即時鬆一口氣, 應該我們也可以準時入坐吧??


等候期間, 女店員非常體貼, 為我們端上焙茶, 可惜太熱, 我又要單手拿相機, 所以還是放棄飲用. (如果送嚟係凍飲就正, 因為走廊都好焗)


愈接近11時, 人龍便愈長, 結果窄窄的走廊, 屈出了三截的蛇餅, 我旁邊正正就是龍尾所在. (同層的Zurriola真係多得我哋唔少, 塞住咗佢哋個門口)


其實我們非常幸運, 因為11時12分便可以入坐, 而到中午12時25分官方Facebook亦宣報, 全日籌號派發完畢, 後來我向店員八卦一下, 最後派至142號.


甫一坐下, 店員便為我們端上餐牌及焙茶一壺, 我問可否轉抺茶呢? 他說:「E個季節很合適飲焙茶, 如果之後轉季, 我哋就會轉抺茶或其他茶」(哦!好啦...其實我對焙茶麻麻地)


日本人的細心, 就連茶壺的「鋼水」及顏色便感受得到, 這是我向四周的食客借來的4色茶壺, 一套四款...靚到不得了!


店員向排隊的朋友說:「如果大家想購物係唔駛排隊嘅...」, 所以購物的朋友便堆在雪櫃前揀心水物品, 我們食客又繼續影相及食食食...


我發現部份海綿蛋糕, 抹茶曲奇, 特濃朱古力一早便被人搶購一空, 而我看到如無名字高度的昔茶粉售價$490, 嘩!!超貴...難怪全部整整齊齊原封不動.


我其實看中「中村藤吉」的茶碗及茶掃, 正當我想拿一盒新品看看價錢之際, 店員說:「唔好意思, E個係Display盒嚟...(唔係裝E個茶碗套裝咩?) 唔好意思...暫時個茶碗未有得賣住!」(點解會咁嘅??好想買)


全部62個坐位, 我覺得最享受便是對著K11的9個坐位, 有機會可幾揀位坐就好. (今日兩公婆直情背住K11而坐)


這份抹茶蕨餅是我們一坐下, 店員說:「因為今日限定17份, 你哋會唔會都考慮呢??」(我啲錢好易賺, 一聽到限定兩個字, 就覺得唔好蝕底...必定會要...)


本來我們想點芭菲, (不過芭菲唔係限定麻...), 蕨餅絶對好食...口感略似年初一家母煎的年糕, 但厚度只有五分一, 而且韌度亦只有年糕的一半, 所以更加易咬...


隨碟附上黑蜜及抹茶蜜配為食用, 不過我愛原味或加少少抹茶蜜, 如果配黑蜜則太甜...根本蕨餅已有一定甜味, 總知被厚厚的抺茶活埋的蕨餅, 原件吃已經100分...


本來我以為盛著抹茶果凍的是一個紙碗, 一接觸之後, 發現原來是由銀鑄成, 非常重手, 店員說:「日本我哋只係用玻璃碗, 只有香港先用竹央堂特製嘅銀碗」(好靚!! 不過又係唔賣喎...)


究竟是食物本身好食, 還是因為有「靚碗」盛載, 所幾特別好食呢? 綠茶啫喱再混入半溶綠茶雪糕, 好食到震.


今日有很多單人匹馬來朝聖的年青人, 坐對面的男士就是因為吃過京都的中村藤吉, 很懷念他們的味道, 所以第一日就要過來試食...(畀我一定唔會一個人嚟, 因為食得唔多麻)



最後就是香港限定的抹茶大福紅豆湯, 這碗叫薄茶, 店員說:「畀抺茶無咁濃味」應該薄茶面會有轉多泡泡.


內裡有一塊如半張卡片大小的年糕, 日本人應該很愛吃紅豆, (其實我唔介意換上吉士或蓮蓉...得唔得嘅呢???)


這個好味道的薄茶湯, 旁邊有一小碟牛蒡, 最初阿太以為是荀, 店員說:「因為怕太甜, 附上小小帶鹹的牛蒡, 畀大家中和用」(今日真係又學識多一樣嘢!)


原來食綠茶甜品都可以好飽肚, 好彩沒有點芭菲...不過, 下次帶SY來的時候, 一定要點抹茶Espresso$198初昔, 阿太聽到店員說限定極少量..希望下次有機會試.


臨走前遇上中村香港區高層, 我問:「之後會唔會取消90分鐘限時呀! 都未歎夠就夠鐘, 好趕頭趕命呀!」她回答:「暫時都係怕太多人等, 應該都會Keep住限食90分鐘」


(想hea食...可能真係要飛過去京都喎)


沒有留言:

張貼留言