相關網誌 :開心+性慾 零食Sold Out @ Anything But Salads
因為「蘇波榮」轉貼了[暫別茶．家七天], 所以知道上環一家茶室, 因容許後巷坐客, 被迫停業7天. (黐線! 咩政府呀...)我決定於「茶．家」重開後, 即時去撐場, 看過究竟.
因為「蘇波榮」轉貼了[暫別茶．家七天], 所以知道上環一家茶室, 因容許後巷坐客, 被迫停業7天. (黐線! 咩政府呀...)我決定於「茶．家」重開後, 即時去撐場, 看過究竟.
而被食環署無理檢控, 堀頭巷的小路上, 有被舖上假草坡, 客人席地而坐, 享受著如外國風情的風和日麗.
「茶．家」三年前由車房改建, 老闆娘Nana放棄律師工作, 開茶家, 不過今日不見Nana.
店內4娘教子, 忙於收錢的店內唯一男丁Qwincy（花名阿叔）:「好忙呀! 未停過, 忙到死咁滯」可能大家都急不及待, 來撐重開的「茶．家」吧!
其實, 可能暫別了7日的關係, 來撐茶家的人多不勝數, 所以蛋糕只賣剩「桂花黑糖戚風蛋糕」, 及「綠茶芝士蛋糕」, 我當然兩款也各要一件.
阿叔問:「你等唔等, 兩個鐘後有補貨…」我搖搖頭…心諗:「玩咩…邊坐到咁耐呀?」 (後尾我哋走時, 蛋糕剛剛補貨, 不覺不覺, 原來我們也嘆了兩個鐘)
阿太要飲「焦烤檸檬茶」, 「阿叔」推介我飲「找夢」(佢話:「超濃郁, 凍飲味道更濃」…試!! 全店唯一男茶技師推介喎) 其實, 沖得茶多是否會「變型啲」?
看官網初入職的阿叔, 與今日的他, 嘩!! 型得多, (老闆娘…妳仲請唔請仁呀??)
慢活是來到太平山街最嘆的項目之一, 點了食物, 大約需要等待20分鐘, 我見多數外國人也在看書, 少女們在自拍, 唯一的家庭就在畫外賣紙,
追烏蠅, 及調轉讀餐牌…
人造草坡上有咕臣作凳, 棄置的紅酒箱作餐枱, 因為於後巷擺放桌椅, 食環指違法, 於是便用棄置的物件, 反而更加在地, 更加享受, 更烏托邦.
(連奄尖的阿太, 都不停大讚, 好舒服, 好正, 好嘆, 下次要叫埋仙仙哋嚟先得...就知E度有幾嘆)
懶洋洋的不止周遭環境, 就連我們的戚風蛋糕一樣,
慢條斯理得極度鬆軟, 淡淡的味道, 配上乾桂花碎, 很有襯這裡與世隔絶的性格.
不過, 小朋友就愛入口即溶芝士綠茶蛋糕, 雖然我覺得綠茶比例較輕, 但可能正正合適大愛甜甜甜的阿囝吧!! 無論如何, 身處這個世外桃園, 食物已經會自然加30分啦.
我要大讚我杯「找夢」, 濃濃濃茶加薑加薄荷, 四個字來形容「神暈巅倒」, 神級推介, 果然無介紹錯. 飲完自覺全日都特別有運行一樣.
我與阿太在嘆茶之際, 「無時停」的小朋友在做甚麼呢?
當然繼續「無時停」, 他竟然在跳咕臣呀!! 我也自覺甘敗下風, 點解阿囝可以活躍得如此驚人呢…
臨走前我問阿John:「煙灰缸的茶葉係用嚟癖味嗎??」, 她答:「唔係…只係用嚟放煙頭咋…(點解你改個男仔名嘅?) 因為我姓莊」(又幾好喎)
最後我問John, 老闆娘Nana放假嗎? 她說:「唔係…佢去咗另外嗰邊大安臺﹝茶‧莊﹞, 你可以去搵吓佢, 行去5分鐘, 好近…」
與John道別後, 我們又去搵Nana, 原來經過球場, 向上行就到大安臺「茶．家」分店﹝茶‧莊﹞.
﹝茶‧莊﹞門前掛有Private字樣, 不過一直沒人應門, 阿太:「畀我都驚咗你啦, 無端端走個麻甩佬, 拖住個咁百厭嘅細路嚟…」終於, 今日無緣與老闆娘傾計, 希望下次再來嘆世界時,
有機會見面啦.
沒有留言:
張貼留言