薑餅人又出沒注意!! @ McDonald's 麥當勞

連續三年, 每到11月, 薑餅人就會現身麥當勞, 一年容易又吃餅, 今年真的有餅食喎.

前年是薑餅暖手包...錯過了...去年是15cm高的陶瓷保溫杯. (詳情可瀏覽: 薑餅人世界 ), 今年則是陶瓷密實罐.

去年的保溫杯, 附5張飲品券, 售價$100，今年陶瓷密實罐同樣附5張飲品券, 還有5塊薑餅人曲奇, 售$138, 如果以去年的價錢做標準, 今次真的著數了, 起碼又有餅食, 而且個罐更肥更大.

店員好細心叫我們檢查清楚罐底, 罐內籠等有沒有裂痕及崩缺.

回家第一時間從櫃內取出收藏了一年的薑餅人杯, 不過一比較之下, 我發現...點解去年隻杯好像變黃了呢? 還是今年的薑餅人罐顏色太白呢?

兩個包裝也是一致的, 好像一早已設計定十年的系列一樣. 一肥一瘦襯到絶, 不過, 如果以有趣來說, 去年的保溫杯的膠蓋變成了薑餅人的帽, 感覺有心思得多.

套裝的曲奇餅真的有薑味, 名副其實薑曲奇餅, 不過曲奇餅麻麻地好食, 不鬆不脆, 賣點就是薑, 因為自己十分愛薑, 如果薑味再濃一點就更加正.

大仁生活facebook