記得上月16日凌晨, 阿太重複又重複不停按「F5」鍵來申請「紙糊熊貓工作坊」,一小時後終於成功登記,
那一刻的心情絕對興奮.
7月2日下午2時, 經過7月1日的通宵遮打花園及特首辦的靜坐後, 雖然我一點也沒有睡過, 但一想到可以造熊貓, 即時精神奕奕, 一家三口走到PMQ 2 樓與熊貓玩遊戲.
首先由老師講解, 工作坊的小熊貓是由石膏制作,
質料與1600隻熊貓不同, 所以會比較重身.
我們要先撕碎報紙, 之後就用混和了水的漿糊,
將報紙細細張, 細細張的貼上整隻熊貓身上.
看似簡單的工作, 其實非常花心機, 老師及助教很好人, 不時走來協助, 助教哥哥更教阿囝怎樣可以貼得靚一點.
老師又會解釋 :「一定要將報紙裡頭的空氣襟出嚟, 如果唔係你上完色, 就會發現一個個泡泡架啦」
因為工作坊只有3個半小時, 所以, 我們一定要靠風筒, 極速將熊貓身上的膠水吹乾.
被完全吹乾的熊貓才能夠塗上白色環保油作底色. 這款環保油的質料較厚身,
塗出來有明顯的筆痕, 助教哥哥說:「係呀! 咁樣先有獨一無二的感覺」
因為熊貓只有黑色與白色, 所以場中只提供此兩種環保油,
我問助教哥哥, 可不可以自備顏料來工作坊的呢?
他說:「因為600隻工作坊熊貓制成後, 會放去展覽一個月, 早前就有一位參加者非常有心思,
用黑溝白塗出一隻龍貓, 不過負責人話因為唔係熊貓,
所以無得參加展覽, 但8月中一樣可以畀返參加者」
嘩!! 那位龍貓主人真的很犀利,
原來還有人制成出蝙蝠俠, 叮噹, Michael
Jackson, 及性感女神. 勁呀!!
原來, 3個半小時真的不夠用, 黑色的部份大半數的參加者也要怱怱完成, 阿囝最幸運, 得到姐姐哥哥的協助, 他說:「我的好朋友有一個肚臍嘅!!」真攪笑.
我本來想畫一個米奇老鼠, 但發現出來效果並不理想,
於是改改塗塗, 最後好像變成一個長駛阿叔.
而阿太就自豪的說:「你睇!我隻熊貓有一條頸鏈架喎, 幾靚!」
場中更有朋友為熊貓造了一個足球, 哎呀!究竟怎樣制作的呢 ? 我覺得超精彩.
阿囝很不捨得他的「好朋友」, 遲遲未肯離開, 唯有多拍兩張照片, 不過老師不停催速, 真的不好意思.
Facebook : https://www.facebook.com/hayakutang
沒有留言:
張貼留言