昨日經過觀塘apm, 下午4點半左右, 大型森巴熱帶雨林情景內, 已經一早坐滿觀眾. 嘩!! 球迷真的對世界盃瘋狂熱愛, 人人早7個鐘霸定位睇波 ?
原來熱帶雨林區內, 大家不是睇巨型大電視的賽事,
而是商場找來一位外籍花式足球員, 正不斷以豆袋表演花式足球技巧.
不過, 為何要用豆袋, 而不用真正足球, 真的不得以知.
街外熱辣辣, 我也不太想即時離開有冷氣的商場, 於是就留在這個巴西情景睇睇還有甚麼好看.
哎呀! 真的不配服amp, 竟然可以找來約10款不同巴西熱帶雨林動物, 在展區給大家拍照, 哈哈...三隻有如壹周刊大細的豹紋龜及紅腿龜, 因為沒有玻璃密封, 最得小朋友歡心, 走得慢, 又無攻擊性, 連小BB也「驚都唔驚」伸手要摸.
還有變色龍, 白青蛙, 紅眼樹蛙, 蜥蝪仔, 真的有如走進旺角金魚街的樓上寵物店一樣.
今日也學識原來巴西國雀, 就是大嘴鳥, 不過牠比較可憐, 不過夠像旁邊的斑色金剛鸚鵡們, 站在開揚的假樹上, 不斷被工作人員餵食, 從來國寶的命運都坎坷的.
商場二樓就是一般的足球珍藏展，為何足球也有年份的呢 ? 門外漢真的愈睇愈不明白,
原來地球上真的有人每年儲一個足球的喎. 展場還有巴治奧球鞋, 美斯簽名波衫, 及某年世界盃球場的一小堆連根拔起的小草坡.
正正經經的展品, 原來, 有時也不及無厘頭, 小動物來得有新鮮感喎. 未知通宵睇波的球迷, 如果同聲歡呼入球時, 巴西來的小動物會不會被嚇得驚驚睡不著呢?
沒有留言:
張貼留言