因為舅父仔參加了保良局逢星期日在尖沙嘴文化中心舉行的「保良市集」, 所以, 上星期日我們就走到現場為他打打氣.
由於是非牟利的關係, 60檔的檔主每次只需繳付100元就可以開檔,現場所見, 場面非常墟冚, 紙藝, 布藝, 皮革, 陶瓷, 繩藝, 木雕, 手繪畫等, 人山人海. 熱鬧得不得了!!
舅父仔是皮革達人, 他說:「全場有6檔都係做皮架!! 好彩我哋算比較多時間做,
所以都算有人幫襯.」我問:「多唔多人講價?」 舅父仔答:「如果真係買嗰D人又唔會講價喎, 講價嘅通常都唔買嘅.」
看來阿囝很有當售貨員的潛質, 今日不停大聲的叫客人:「好靚架啲皮, 睇吓啦!!多謝!! 多謝!!」出盡九牛二虎之力. 不過, 最後不敵遊戲工作坊的魔力, 有得玩, 即時轉場.
場中還有工作坊可以提供給小朋友親手繪制紙扇畫, 免費工作坊, 所以人龍也不短. 十數支顏色筆就可以令小朋友專心5-6分鐘了.
在場有出售木雕手作的周叔叔, 他見阿太拍照主動的跟她說:「我一粒花生也要雕11個鐘架!!」老實說, 真的手功非同小可, 粒粒似足真花生一樣的. (不過手藝非凡, 售價也非等閒, 一輛木頭車售價$920.)
轉角還有唱歌表演, 平日平平淡淡的文化中心,
突然一變成為一個藝術市集, 氣氛又好, 人流又旺, 真的逛得又開心, 又好玩.
Facebook : https://www.facebook.com/hayakutang
沒有留言:
張貼留言